ആഴ്‌സണലിന് തോല്‍വി

ലണ്ടന്‍: ഇംഗ്ലീഷ് ലീഗ് കപ്പിന്റെ മൂന്നാം റൗണ്ടില്‍ ആഴ്‌സണല്‍ പുറത്ത്. സതാംപ്ടനോട് ഒന്നിനെതിരെ രണ്ട് ഗോളുകള്‍ക്ക് പരാജയപ്പെട്ടാണ് ഗണ്ണേഴ്‌സിന്റെ ലീഗ് കപ്പിലെ പോരാട്ടത്തിന് അവസാനമായത്. 14-ാം മിനിറ്റില്‍ അലക്‌സി സാഞ്ചസിലൂടെ ലീഡ് നേടിയ ശേഷമാണ് ആഴ്‌സണല്‍ സതാംപ്ടനോട് കീഴടങ്ങിയത്.

മറ്റൊരു മത്സരത്തില്‍ ലിവര്‍പൂള്‍ ഷൂട്ടൗട്ടിനൊടുവില്‍ മിഡില്‍സ്ബറോയെ കീഴടക്കി നാലാം റൗണ്ടിലെത്തി. നിശ്ചിത സമയത്തും അധികസമയത്തും ഇരുടീമുകളും 2-2ന് സമനില പാലിച്ചതോടെയാണ് കളി ഷൂട്ടൗട്ടിലേക്ക് നീണ്ടത്. ഷൂട്ടൗട്ടില്‍ 14-13നായിരുന്നു ലിവര്‍പൂളിന്റെ വിജയം. ഷൂട്ടൗട്ടില്‍ മൊത്തം 30 കിക്കുകളാണ് ഇരുടീമുകളും കൂടി എടുത്തത്. മറ്റ് മത്സരങ്ങളില്‍ സ്വാന്‍സീ സിറ്റി 3-0ന് എവര്‍ട്ടനെയും സ്‌റ്റോക്ക് സിറ്റി 2-1ന് സണ്ടര്‍ലാന്റിനെയും ഫുള്‍ഹാം 2-1ന് ഡൊന്‍കാസ്റ്ററിനെയും ഡെര്‍ബി 2-0ന് റീഡിംഗിനെയും പരാജയപ്പെടുത്തി അടുത്ത ഘട്ടത്തിലേക്ക് മുന്നേറി.