തൊടുപുഴ : ഇടുക്കിയില് സൈക്ലിംഗ് വെലോഡ്രോം നിര്മ്മിക്കുവാന് സര്ക്കാര് അടിയന്തിര നടപടികള് കൈക്കൊള്ളുമെന്ന് സംസ്ഥാന സ്പോര്ട്സ് വകുപ്പ് മന്ത്രി തിരുവഞ്ചൂര് രാധാകൃഷ്ണന് പ്രസ്താവിച്ചു. തൊടുപുഴയ്ക്കടുത്ത് മലങ്കര എസ്റ്റേറ്റ് റോഡില് വച്ച് നടത്തിയ 11-ാമത് സംസ്ഥാന മൗണ്ടന് സൈക്ലിംഗ് ചാമ്പ്യന്ഷിപ്പ് ഉദ്ഘാടനം ചെയ്തുകൊണ്ട് പ്രസംഗിക്കുകയായിരുന്നു മന്ത്രി. റോഷി അഗസ്റ്റ്യന് എം.എല്.എ ചടങ്ങില് അധ്യക്ഷത വഹിച്ചു.
ദ്രോണാചാര്യ അവാര്ഡ് ജേതാവ് കെ.പി.തോമസ് മാഷ്, ഗ്രാമപഞ്ചായത്ത് പ്രസിഡന്റ് കെ.കെ.തോമസ്, ബ്ലോക്ക് മെമ്പര് ബിന്ദു ബിനു, ഗ്രാമപഞ്ചായത്ത് അംഗങ്ങളായ റോസമ്മ ബേബി, എ.കെ.സുബാഷ് കുമാര്, മലങ്കര എസ്റ്റേറ്റ് മാനേജര് കോശി എബ്രാഹാം, സംസ്ഥാന സൈക്ലിംഗ് അസോസിയേഷന് സെക്രട്ടറി എസ്.എസ്. സുധീഷ് കുമാര്, ശരത് യു.നായര്, ജസ്റ്റിന് വള്ളികാട്ട്, റെഫീക് പി.ഐ, പി.എ. സലിംകുട്ടി, റെജി പി.തോമസ്, കെ.ശശിധരന് നായര് തുടങ്ങിയവര് പ്രസംഗിച്ചു. ജോയ്സ് ജോര്ജ് എം.പി, ഔസേപ്പ് ജോണ് പുളിമൂട്ടില്, വര്ഗീസ് കുര്യന് മാടപ്പറമ്പില്, വി.രാജന്, ബി.നിര്മ്മല് കുമാര് തുടങ്ങിയവര് വിജയികള്ക്കുള്ള മെഡലുകള് സമ്മാനിച്ചു. ജനറല് കണ്വീനര് എന്.രവീന്ദ്രന് സ്വാഗതവും, കണ്വീനര് ഷെല്ബിന് ജോസ് നന്ദിയും പറഞ്ഞു.
