മുണ്ടക്കയം: കോരുത്തോട് മുക്കുഴിയില് കാട്ടാനയിറങ്ങി കൃഷികള് നശിപ്പിച്ചു. ശബരിമല വനാതിര്ത്ഥിയോട് ചേര്ന്ന് കിടക്കുന്ന പാറാംതോട് മേഖലയിലാണ് ചൊവ്വാഴ്ച രാത്രി പന്ത്രണ്ട് മണിയോടുകൂടി വ്യാപകമായി കൃഷി നശിപ്പിച്ചത്.
മേഖലയിലെ ഈട്ടിക്കല് കേശവന്,ഓലിക്കല് പുഷ്പാംഗദന്, കൊച്ചേരിയില് ബാബു,ചെപ്പേലി രാമചന്ദ്രന്, എന്നിവരുടെ പറമ്പുകളിലെ വാഴ,റബര്,കപ്പ എന്നിവ വ്യാപകമായി നശിപ്പിച്ചു. തുടര്ന്ന് കൊട്ടാരത്തില് ശശിയുടെ വീട്ടുമുറ്റത്ത് എത്തിയ ആന കൃഷികള് നശിപ്പിച്ച ശേഷം വീടിനു സമീപം സൂക്ഷിച്ചിരുന്ന ചാരം ഭക്ഷിച്ചു തുടര്ന്ന് പന്ത്രണ്ടരയോടുകൂടി കപ്ലിയില് കരുണാകരന്റെ പുരയിടത്തിലെത്തിയ ആന കൃഷികളും വീടിനു അടുക്കളയോട് ചേര്ന്നു കിടന്നിരുന്ന കസേര, വീടിന്റെ ജനല് ,വനവിഭവങ്ങള് ഉണക്കുവാനുപയോഗിച്ചിരുന്ന ഷെഡ്, ജലസംഭരണി തുടങ്ങിയവ നശിപ്പിച്ചു ഇതിനുശേഷം വനത്തിലേക്ക് പോകാന് തുനിഞ്ഞ ആന പട്ടിയുടെ കുരകേട്ട് വീടിനു മുറ്റത്ത് നിലയുറപ്പിച്ചു.
ഈസമയം വീട്ടിലുള്ളവര് ഉണര്ന്നുവെങ്കിലും ഭയന്ന് വീടിനു പുറത്തിറങ്ങിയില്ല വീടിനു മുന്നില് നിലയുറപ്പിച്ച ആന പിന്നീട് പുലര്ച്ചെ ഏഴരയ്ക്കാണ് കാട്ടിലേക്ക് കറിയത്. അതു വരെ കുടുംബാംഗങ്ങള് ഭയന്ന് വീടിനുള്ളില് നിശബ്ദരായി ഇരുന്നു.
ഈ പ്രദേശങ്ങളില് വനംവകുപ്പ് തീര്ത്തിരിക്കുന്ന കിടങ്ങുകള് ഫലപ്രദമല്ലെന്ന് ആക്ഷേപമുയര്ന്നിട്ടുണ്ട്. മൂന്ന് മീറ്റര് ആഴത്തിലും വീതിയിലും നിര്മ്മിക്കേണ്ട കിടങ്ങുകള് ചെറുതായിട്ടാണ് ഇവിടെ നിര്മ്മിച്ചിരിക്കുന്നത്. ഇത് ചാടികടന്നാണ്് കാട്ടുമൃഗങ്ങള് നാട്ടിലേക്കിറങ്ങുന്നത്.
