പാലാ: ഏഴാച്ചേരി സര്വ്വീസ് സഹകരണ ബാങ്കിന്റെ ആഭിമുഖ്യത്തില് സൗജന്യ രക്തഗ്രൂപ്പ് നിര്ണയക്യാമ്പും ഫ്യൂച്ചര് ചില്ഡ്രന്സ് ബാങ്ക് ഉദ്ഘാടനവും 20ന് ഏഴാച്ചേരി വായനശാലാ ഹാളില് നടക്കും. ബാങ്ക് നടപ്പാക്കുന്ന സേവന പ്രവര്ത്തനങ്ങളുടെ ഭാഗമായി ഏതുസമയത്തും രക്തം ദാനംചെയ്യാന് തയ്യാറുള്ള രക്തദാതാക്കളുടെ കൂട്ടായ്മ ഉണ്ടാക്കുകയാണ് ക്യാമ്പിന്റെ ലക്ഷ്യമെന്ന് ബാങ്ക് പ്രസിഡന്റ് ലാലച്ചന് ചെട്ടിയാംകുന്നേല് പറഞ്ഞു. മരിയന് മെഡിക്കല് സെന്ററുമായി സഹകരിച്ചാണ് രക്തഗ്രൂപ്പ് നിര്ണയക്യാമ്പ് സംഘടിപ്പിക്കുന്നത്.
ക്യാമ്പിന്റെ ഉദ്ഘാടനം 20ന് രാവിലെ 9ന് ജില്ലാ പഞ്ചായത്തംഗം ബിജു പുന്നത്താനവും ചില്ഡ്രന്സ് ബാങ്കിന്റെ ഉദ്ഘാടനം ജില്ലാ ബാങ്ക് പ്രസിഡന്റ് ഫിലിപ്പ് കുഴികുളവും നിര്വ്വഹിക്കും. ബാങ്ക് പ്രസിഡന്റ് ലാലച്ചന് അദ്ധ്യക്ഷത വഹിക്കും.
ആഗസ്റ്റ് രണ്ടിന് ബാങ്കിന്റെ ആഭിമുഖ്യത്തില് അന്ത്യാളം പാണ്ടിപ്പാറ ചെക്കുഡാമില് ചൂണ്ടയിടീല് മത്സരം നടത്തും. അഖില കേരളാടിസ്ഥാനത്തിലാണ് മത്സരം. ആഗസ്റ്റ് 2ന് വൈകിട്ട് 4ന് മന്ത്രി കെ.എം. മാണി മത്സരം ഉദ്ഘാടനം ചെയ്യും. താത്പര്യമുള്ളവര് 9447420430, 9447288480 നമ്പരുകളില് ബന്ധപ്പെടണം.
പത്രസമ്മേളനത്തില് ബാങ്ക് ഭരണസമിതിയംഗങ്ങളായ അലക്സി തെങ്ങുംപള്ളിക്കുന്നേല്, മാത്തച്ചന് പാമ്പയ്ക്കല്, ബെന്നി, ദിനേശ് മറ്റത്തില്, എന്നിവരും പങ്കെടുത്തു. ബാങ്ക് ഈവര്ഷംമുതല് അംഗങ്ങള്ക്ക് 25 ശതമാനം ലാഭവിഹിതം വിതരണം ചെയ്യുമെന്നും പ്രസിഡന്റ് പറഞ്ഞു.
