ചെല്ലാനം: കാല് നൂറ്റാണ്ടിലേറെയായി തരിശായിക്കിടന്നിരുന്ന ചെല്ലാനം മറുവക്കാട് 12-ാം വാര്ഡിലെ പൊക്കാളി നിലങ്ങളില് നെല്ക്കൃഷി പുന:രാരംഭിക്കുന്നതിന് മുന്നോടിയായി നിലമൊരുക്കല് ആരംഭിച്ചു. പൊക്കാളി സംരക്ഷണ സമിതിയുടെ നേതൃത്ത്വത്തില് സ്ത്രീകള് ഉള്പ്പെടുന്ന വലിയൊരു സംഘം നിലമുഴുതുമറിക്കുന്ന പ്രവര്ത്തനങ്ങളില് ഉത്സാഹത്തിമിര്പ്പോടെ പങ്കാളികളായി. ഒരുനെല് ഒരു മീന്എന്ന സര്ക്കാരിന്റെ പ്രഖ്യാപിത നയത്തെ അടിസ്ഥാനപ്പെടുത്തിക്കൊണ്ട് നെല്ക്കൃഷി പുന:രാരംഭിക്കുവാന് സാഹചര്യം സൃഷ്ടിക്കണമെന്ന് നിവേദനത്തിലൂടെ ജില്ലാകളക്ടറോട് സമിതി അഭ്യര്ത്ഥിച്ചിരുന്നു. ഇതിനെത്തുടര്ന്ന് കഴിഞ്ഞ നവംബറില് സബ്കളക്ടര് ആര്.സ്വാഗത് ഭണ്ഠാരി സ്ഥലം സന്ദര്ശിച്ച് കളക്ടര്ക്ക് റിപ്പോര്ട്ട് സമര്പ്പിച്ചു.
സ്ഥിതിഗതികള് നേരിട്ട് കണ്ട് മനസിലാക്കുവാനായി മെയ് 24 ന് ജില്ലാ കളക്ടര് ആര്.രാജമാണിക്യവും മേയ് 29 ന് കാര്ഷികോത്പാദന കമ്മീഷണര് സുബ്രതോ ബിശ്വാസും എത്തിച്ചേര്ന്നിരുന്നു. പൊക്കാളി നില വികസന ഏജന്സിയുടെ ചെയര്മാന് കൂടിയായ ജില്ലാകളക്ടര് ഏപ്രില് 8 ന് വിജ്ഞാപനം ചെയ്ത ഉത്തരവ് പ്രകാരം ഏപ്രില് 15നകം പൊക്കാളി നിലങ്ങളിലെ ഓരുവെളളം നിശ്ശേഷം വറ്റിച്ച് നെല്ക്കൃഷിക്കുളള മുന്നൊരുക്കങ്ങള് ആരംഭിക്കേണ്ടതാണ്. എന്നാല് വര്ഷങ്ങളായി മത്സ്യലോബികളുടെ സ്വാധീനത്തില്പ്പെട്ട് ഈ നിബന്ധന പാലിക്കാതെ നെല്ക്കൃഷി സീസണിലും പാടശേഖരസമിതി നിലങ്ങളില് ഓരുവെളളം നിലനിര്ത്തുകയാണ് പതിവ്. ഇത് കൃഷിയെ പ്രതികൂലമായി ബാധിക്കുമെന്ന്് മാത്രമല്ല പാടശേഖരത്തിനുളളില് വസിക്കുന്ന കുടുംബങ്ങളുടെ ജീവിതം ദുരിതപൂര്ണ്ണമാക്കുകയും ചെയ്യും.
നാട്ടുകാരുടെ സജീവമായ പങ്കാളിത്തത്തോടുകൂടി നെല്ക്കൃഷി പുന:രാരംഭിക്കുമ്പോള് നൂറുകണക്കിന് തൊഴില് ദിനങ്ങള് സൃഷ്ടിക്കപ്പെടും. പച്ചക്കറിക്കൃഷി പുന:രുജ്ജീവിക്കപ്പെടും. കേരള കാര്ഷിക സര്വ്വകലാശാലയുടെ വൈറ്റിലയിലുളള നെല്ലുഗവേഷണ കേന്ദ്രത്തിന്റെ ഡയറക്ടര് ഡോ.വി.ശ്രീകുമാറാണ് കൃഷിക്കാവശ്യമായ സാങ്കേതിക സഹായങ്ങള് ഉറപ്പാക്കുന്നത്. ചെല്ലാനം കൃഷി ഓഫീസര് ബി.ഇന്ദുവിന്റെ മുന്കൈയോടെയാണ് വിതയ്ക്കാനാവശ്യമായിട്ടുളള വിത്ത് ലഭിച്ചിട്ടുളളത്. പൊതുഖജനാവിലെ പണം കൊണ്ട് പാടശേഖര സമിതി കരസ്ഥമാക്കിയ ടില്ലര് അശ്രദ്ധമൂലം ഉപയോഗശൂന്യമായിക്കിടക്കുകയാണ്.
പൊക്കാളി സംരക്ഷണ സമിതിയുടെ ജനറല് കണ്വീനര് ഫ്രാന്സിസ് കളത്തുങ്കലിന്റെ നേതൃത്ത്വത്തില് പുഷ്പന് കണ്ണിപ്പുറത്ത്, വര്ഗ്ഗീസ്കുട്ടി മുണ്ടുപറമ്പില്, സേവ്യര് ഓളിപ്പറമ്പില്, ബെന്നി മഠത്തിപറമ്പില്, പാസ്ക്കല് മഠത്തിപറമ്പില്, ബാബു, റോജിആറാട്ടുകുളങ്ങര ജെയ്ക്കോ, ആലിങ്കല് ജേക്കബ്, അഡ്വാ. ഫ്രാന്സിസ് നിക്സണ്, കെ. പ്രതാപന്, എന്.ജെ. സുബി, നിര്മ്മല വര്ഗ്ഗീസ് , സിബിന്, മറിയാമ്മ സേവ്യര്, കെന്നിറോസ്, ബാബു പളളിപ്പറമ്പില്, ബസുമതി, ചിന്നമ്മ വിജയന്, അമ്പിളി തുടങ്ങിയവര് നിലമൊരുക്കല് പ്രവര്ത്തനങ്ങളില് പങ്കെടുത്തു.
