പാമ്പാടി: സ്വധര്മ്മത്തിലും വിശ്വാസങ്ങളിലും ആത്മാഭിമാനമുള്ളവരായി ഹിന്ദുസമൂഹം മാറണമെന്ന് ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി. ശശികല ടീച്ചര് പറഞ്ഞു. ചെറുവളളിക്കാവ് ദേവീക്ഷത്രത്തില് ദേവീഭാഗവത നവാഹയജ്ഞത്തോടനുബന്ധിച്ച് നടക്കുന്ന ഹിന്ദുമതസംഗമത്തില് മുഖ്യപ്രഭാഷണം നടത്തുകയായിരുന്നു അവര്. പട്ടിണി മാറ്റുവാന് തയ്യാറായിഎത്തുന്നവര് ആനുകൂല്യങ്ങള്ക്കായി മതം മാറണമെന്നുകൂടി ആവശ്യപ്പെടുന്നത് തികച്ചും പ്രതിഷേധാര്ഹമാണെന്നും അവര് കൂട്ടിച്ചേര്ത്തു. ഡോ. എന്. ജയരാജ് എംഎല്എ ഉദ്ഘാടനം ചെയ്തു. ആര്. പ്രസന്നന്, പി.ജി. ഉണ്ണികൃഷ്ണന്നായര്, കെ.പി. ബാലചന്ദ്രന്പിളള എന്നിവര് പ്രസംഗിച്ചു.
നവാഹം ആറാംദിവസമായ ഇന്ന് വൈകിട്ട് 7ന് കണ്വന്ഷന് വേദിയില് വിഎന്എസ് വടക്കേമഠത്തിന്റെ പ്രഭാഷണം നടക്കും. ഭാഗവത നവാഹയജ്ഞം 10ന് സമാപിക്കും. പറക്കോട് എന്.വി. നമ്പ്യാതിരിയാണ് യജ്ഞാചാര്യന്.
