കോട്ടയം: പോസ്റ്റല് ബാലറ്റിന്റെ കവറുകള് റോഡരികില് ഉപേഷിക്കപ്പെട്ട നിലയില് കണ്ടെത്തി. കാണക്കാരി വെമ്പള്ളി പാലത്തിനു സമീപത്തു നിന്നാണ് കവറുകള് കണ്ടെത്തിയത്. ഇന്നലെ പുലര്ച്ചെ ഇതുവഴി കടന്നു പോയ നാട്ടുകാരാണ് എഴുപതോളം വരുന്ന കവര് കണ്ടത്. ഉടന് തന്നെ കുറവിലങ്ങാട് പൊലീസില് വിവരം ധരിപ്പിച്ചു. പൊലീസ് സ്ഥലത്തെത്തി കവര് എണ്ണി തിട്ടപ്പെടുത്തിയ ശേഷം കാണക്കാരി വില്ലേജ് ഓഫീസര്ക്ക് കൈമാറി. സംഭവത്തില് സംശയകരമായതൊന്നുമില്ലെന്ന് തെരഞ്ഞെടുപ്പ് വിഭാഗം അറിയിച്ചു. വില്ലേജ് ഓഫിസിലെത്തിച്ച കവര് ജില്ലാ കലക്ട്രേറ്റില് എത്തിച്ചിട്ടുണ്ട്. വാഹനത്തില് നിന്നും വീണതാകാമെന്നാണ് പൊലീസിന്റെ നിഗമനം. എന്നാല് കവര് റോഡില് ഉപേഷിച്ച നിലയില് കണ്ടെത്തിയ സംഭവത്തില് അന്വേഷണം നടത്തുമെന്ന് തെരഞ്ഞെടുപ്പ് ഡെപ്യൂട്ടി കലക്ടര് പി.എസ്. ബഷീര് പറഞ്ഞു.
പോസ്റ്റല്ബാലറ്റിന്റെ എഴുപതോളം കവറുകള് റോഡരികില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.