പരിപ്പ് മഹാദേവ ക്ഷേത്രത്തില്‍ കൊടിയേറ്റ് 27ന്

കോട്ടയം: മേജര്‍ പരിപ്പ് ശ്രീമഹാദേവക്ഷേത്രത്തില്‍ കൊടിയേറ്റ് 27ന് നടക്കും. വൈകിട്ട് 6ന് ഭദ്രകാളി മന മറ്റപ്പിള്ളി നാരായണന്‍ നമ്പൂതിരിയുടെ മുഖ്യകാര്‍മ്മികത്വത്തിലാണ് കൊടിയേറ്റ്. തുടര്‍ന്ന് 7.30ന് നടക്കുന്ന സാംസ്‌കാരിക സമ്മേളനത്തില്‍ മന്ത്രി അടൂര്‍ പ്രകാശ്, തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് അഡ്വ. എം.പി. ഗോവിന്ദന്‍ നായര്‍, അഡ്വ. കെ. സുരേഷ് കുറുപ്പ് എംഎല്‍എ, തിരുവിതാംകൂര്‍ ദേവസ്വം കമ്മീഷണര്‍ പി. വേണുഗോപാല്‍, ജില്ലാ പോലീസ് മേധാവി എം.പി. ദിനേശ് എന്നിവര്‍ പങ്കെടുക്കും. അക്ഷര എന്റര്‍പ്രൈ സസ് എംഡി ആര്‍. ഗോപീകൃഷ്ണന്‍ ഒളവര്‍മഠം നിര്‍മ്മിച്ച് സമര്‍പ്പിക്കുന്ന ഓഡിറ്റോറിയത്തിന്റെയും നടപ്പന്തലിന്റെയും ഉദ്ഘാടനം അഡ്വ. എം.പി. ഗോവിന്ദന്‍ നായര്‍ നിര്‍വ്വഹിക്കും. തുടര്‍ന്ന് കോട്ടയം വീരമണിയുടെ സംഗീതസദസ്സ് നടക്കും. 28ന് ഉച്ചയ്‌ക്ക് 1ന് ഉത്സവബലിദര്‍ശനം, വൈകിട്ട് 7ന് നൃത്തനൃത്യങ്ങള്‍, 7.30ന് സംഗീതസദസ്സ്, 9ന് ഭക്തിഗാനമേള, 29ന് 1ന് ഉത്സവബലിദര്‍ശനം, 6.30ന് കാഴ്ചശ്രീബലി, 7ന് തിരുവാതിരകളി, 7.30ന് നൃത്തനൃത്യങ്ങള്‍, 30ന് വൈകിട്ട് 6ന് കാഴ്ചശ്രീബലി, 7ന് സംഗീതസദസ്സ്, 8.30ന് മാനസജപലഹരി, മെയ് 1ന് ഉത്സവബലിദര്‍ശനം, വൈകിട്ട് 6ന് കാഴ്ചശ്രീബലി, 8ന് സംഗീതസദസ്, 10.30ന് കഥകളി- കിരാതം, മെയ് 2ന് 1ന് ഉത്സവബലിദര്‍ശനം, വൈകിട്ട് 6ന് കാഴ്ചശ്രീബലി, സേവ, ദീപാരാധന, മയൂരനൃത്തം, 9ന് നൃത്തനൃത്യങ്ങള്‍, 9.30ന് തിരുവാതിരകളി, 10.30ന് നാടകം, വെളുപ്പിന് 1ന് പുറപ്പാട് എഴുന്നെള്ളിപ്പ്, മെയ് 3ന് 1ന് ഉത്സവബലിദര്‍ശനം, വൈകിട്ട് 6.30ന് കാഴ്ചശ്രീബലി, സേവ, ദീപാരാധന, വേലകളി, വെളുപ്പിന് 1ന് പള്ളിവേട്ട എഴുന്നെള്ളിപ്പ്, മെയ് 4ന് 12.30ന് ആറാട്ടുസദ്യ, വൈകിട്ട് 6.30ന് ആറാട്ട് എഴുന്നെള്ളിപ്പ്, 7ന് നാഗസ്വരക്കച്ചേരി, വെളുപ്പിന് 2.30ന് ആറാട്ട് എതിരേല്‍പ്, 5.15ന് കൊടിയിറക്ക് എന്നിവ നടക്കും. പത്രസമ്മേളനത്തില്‍ ക്ഷേത്ര ഉപദേശക സമിതി പ്രസിഡന്റ് കെ. മോഹന്‍പിള്ള, സെക്രട്ടറി മഹേഷ് മംഗലത്ത്, ഉത്സവകമ്മറ്റി പ്രസിഡന്റ് സത്യന്‍ നടുവിലേടത്ത് എന്നിവര്‍ പങ്കെടുത്തു.