നെട്ടൂര്‍: ഗുജറാത്ത്‌ മുഖ്യമന്ത്രിയും ബിജെപിയുടെ പ്രധാനമന്ത്രി സ്ഥാനാര്‍ത്ഥിയുമായ നരേന്ദ്രമോദിക്കെതിരെ അപഹാസ്യമായ പ്രസ്താവന നടത്തിയ കൊച്ചി മേയര്‍ ടോണി ചമ്മണി രാജിവെക്കണമെന്ന്‌ ബിജെപി നെട്ടൂര്‍ മേഖലാ കമ്മറ്റി ആവശ്യപ്പെട്ടു. പ്രധാനമന്ത്രി മന്‍മോഹന്‍സിംഗ്‌ വരെ മോദിയോടൊപ്പം വേദി പങ്കിടുന്നുണ്ട്‌. കെപിഎംഎസ്‌ സംഘടിപ്പിച്ച കൊച്ചി കായല്‍ സമ്മേളന അനുസ്മരണ പരിപാടിയില്‍നിന്നും വിട്ടുനിന്ന മേയര്‍ ടോണി ചമ്മണി നരേന്ദ്രമോദിയോട്‌ മാത്രമല്ല, പിന്നോക്കാക്കാരോടും അവഹേളനയാണ്‌ കാണിച്ചിരിക്കുന്നത്‌.
കൊച്ചിയുടെ അടിസ്ഥാനപ്രശ്നങ്ങള്‍ക്ക്‌ പരിഹാരം കാണാന്‍ കഴിയാത്ത മേയര്‍ ടോണി ചമ്മണി കോര്‍പ്പറേഷനില്‍ തികഞ്ഞ പരാജയമാണ്‌. നഗരത്തിലെ ജനജീവിതം നരകതുല്യമാണ്‌. വികസനപ്രവര്‍ത്തനങ്ങള്‍ക്കായി ലഭിച്ച കോടികള്‍ വേണ്ടവിധം വിനിയോഗിക്കാതെ നഷ്ടപ്പെടുത്തി.
കോണ്‍ഗ്രസ്‌ നേതൃത്വത്തിലുള്ള കൊച്ചി കോര്‍പ്പറേഷന്‍ ഭരണത്തിലെ അഴിമതികളെക്കുറിച്ച്‌ വിജിലന്‍സ്‌ അന്വേഷണം നടത്തണമെന്ന്‌ ബിജെപി ആവശ്യപ്പെട്ടു. മേയര്‍ ടോണി ചമ്മണിയുടെ അനധികൃത സ്വത്ത്‌ സമ്പാദനത്തെക്കുറിച്ചും അന്വേഷണം നടത്തണം. കൊച്ചിയുടെ പ്രശ്നങ്ങള്‍ക്ക്‌ പരിഹാരം കാണുവാന്‍ കഴിയാത്ത മേയര്‍ സ്ഥാനം രാജിവെക്കണമെന്നും ബിജെപി നെട്ടൂര്‍ മേഖലാ കമ്മറ്റി ആവശ്യപ്പെട്ടു.
