കൊച്ചി: ഹൈന്ദവര്‍ക്കു മാത്രമുള്ള ദേവസ്വം ബോര്‍ഡ്‌ നിയമനങ്ങളില്‍ നീക്കിയിരിപ്പുള്ള 18 ശതമാനം സംവരണ തസ്തികകളില്‍ നിന്ന് 3 ശതമാനം സംവരണം ഭാഷാന്യൂനപക്ഷ പിന്നോക്ക വിഭാഗം കുടുംബി സമുദായത്തിനു നല്‍കണമെന്ന്‌ ഭാരതീയ കോംഗ്ങ്ങിണി ഭാഷാ വികാസ്‌ സഭ ആവശ്യപ്പെട്ടു. ഇതു സംബന്ധിച്ച്‌ കേരള സംസ്ഥാന പിന്നോക്ക വിഭാഗം കമ്മീഷന് വികാസ്‌ സഭാ ജന.സെക്രട്ടറി പി.ആര്‍.ഷണ്‍മുഖം വാദിച്ചു. സര്‍ക്കാര്‍ തസ്തികകളില്‍ 1 ശതമാനം പ്രത്യേകം സംവരണം നല്‍കണമെന്ന്‌ ഡോ.എന്‍.നിര്‍മ്മലയും വാദിച്ചു.
ഭാരതീയ കോംഗ്ങ്ങിണി ഭാഷാ വികാസ്‌ സഭ കുടുംബ സേവാസംഘം- കുടുംബി മഹാജനസഭ- കേരള കുടുംബി ഫെഡറേഷന്‍- കുടുംബി എഡ്യൂക്കേഷന്‍ സൊസൈറ്റി കോംഗ്ങ്ങണ മഹാജന ട്രസ്റ്റ്‌ എന്നീ സംഘടനകളുടെ ഭാരവാഹികളായ കെ.ഡി.സെന്‍, കെ.എസ്.മോഹന്‍, പി.ആര്‍.ഷണ്‍മുഖം, ഡോ.എന്‍.നിര്‍മ്മല, പി.ആര്‍.അശോകന്‍, കെ.എം.രാജേഷ്‌ കുമാര്‍, കെ.വി.ഭാസ്ക്കരന്‍, പി.ആര്‍.മുരളി, പി.എസ്.രാമചന്ദ്രന്‍, എന്‍.രാജപ്പന്‍, പി.ജെ.രാജു, കെ.സി.സുരേഷ്‌, കെ.കെ.ഉത്തമന്‍, കെ.കെ.രാമകൃഷ്ണന്‍, കെ.ആര്‍.പ്രസാദ്‌ എന്നിവര്‍ സംയുക്തമായി കമ്മീഷന് മുമ്പാകെ ഹാജരായി.
