പറവൂര്‍: വര്‍ത്തമാന ഭാരതത്തിന്റെ ശക്തിയും പ്രേരണയുമാണ്‌ സ്വാമി വിവേകാവനന്ദനെന്ന്‌ റിട്ട. ചീഫ്‌ സെക്രട്ടറിയും മലയാളം സര്‍വകലാശാലാ വൈസ്ചാന്‍സലറുമായ ഡോ. കെ. ജയകുമാര്‍ ഐഎഎസ്‌ അഭിപ്രായപ്പെട്ടു. സ്വാമി വിവേകാനന്ദന്റെ 150-ാ‍ം ജയന്തി ആഘോഷങ്ങളുടെ ഭാഗമായി ചെറായി ജ്യോതിര്‍മയ വിദ്യാഭവനും കൈതാരം ഹോളി ഇന്ത്യ ഹയര്‍ സെക്കന്ററി സ്കൂളും സ്വാമി വിവേകാനന്ദ ശാര്‍ദ്ധശതി ആഘോഷസമിതിയും പറവൂരില്‍ സംഘടിപ്പിച്ച വന്ദേ വിവേകാനന്ദം പരിപാടിയുടെ ഉദ്ഘാടനകര്‍മ്മം നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ഇന്നത്തെ സമൂഹം നേരിടുന്ന എല്ലാ ദൗര്‍ബല്യങ്ങള്‍ക്കും വിവേകാനന്ദന്‍ സനാതനധര്‍മ്മ സംസ്കൃതിയിലൂടെ മറുപടി നല്‍കിക്കൊണ്ട്‌ ഇവിടുത്തെ ജനതയെ നല്ലൊരു ഭാവിയുടെ വാഗ്ദാനങ്ങളാക്കി മാറ്റാന്‍ ശ്രമിച്ചതായും അദ്ദേഹം കൂട്ടിച്ചേര്‍ത്തു. ചടങ്ങില്‍ റിട്ട. ജില്ലാ ജഡ്ജ്‌ സുന്ദരം ഗോവിന്ദ്‌ അധ്യക്ഷത വഹിച്ചു. ആലുവ അദ്വൈതാശ്രമം സെക്രട്ടറി സ്വാമി ശിവസ്വരൂപാനന്ദ അനുഗ്രഹപ്രഭാഷണം നടത്തി. ഡോ. സുനില്‍ പി. ഇളയിടം, ആര്‍.വി. ജയകുമാര്‍, സ്കൂള്‍ ബോര്‍ഡ്‌ അംഗം ഡി.എല്‍. അനില്‍കുമാര്‍ തുടങ്ങിയവര്‍ പങ്കെടുത്തു.
സ്വാമി വിവേകാനന്ദന്‍ വര്‍ത്തമാനഭാരതത്തിന്റെ ശക്തിയും പ്രേരണയും: കെ. ജയകുമാര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.