പള്ളുരുത്തി: ജനജീവിതം സ്തംഭിപ്പിച്ച് നടക്കുന്ന ഹര്ത്താലിന് വിടപറഞ്ഞ് പള്ളുരുത്തി വെളിമാര്ക്കറ്റ് ഇന്നലേയും പ്രവര്ത്തിച്ചു.
ഹര്ത്താല്ദിനത്തില് പള്ളുരുത്തി വെളിമാര്ക്കറ്റില് എത്തപ്പെടുന്ന പ്രദേശവാസിയല്ലാത്തൊരാള് ആദ്യം ഒന്നമ്പരക്കും. രാഷ്ട്രീയപാര്ട്ടികള്ക്കെല്ലാം ശക്തമായ വേരോട്ടമുള്ള പള്ളുരുത്തിയുടെ ഹൃദയഭാഗത്ത് ഹര്ത്താല് ദിനത്തില് ഒരുമാര്ക്കറ്റ് സജീവമായി പ്രവര്ത്തിക്കുന്നു. രാഷ്ട്രീയ വ്യത്യാസമില്ലാതെ ജനം ഇവിടെ എത്തി മാര്ക്കറ്റ് പ്രവര്ത്തനത്തില് ഭാഗവാക്കാകുന്നു. ഒരു ഹര്ത്താലിനും വെളിമാര്ക്കറ്റിന് അവധിയില്ല. ഇത് കാലങ്ങളായി തുടര്ന്നുവരുന്ന രീതിയാണ്. രാവിലെ 5.30ന് തന്നെ മാര്ക്കറ്റിനുള്ളില് പ്രവര്ത്തിക്കുന്ന മത്സ്യലേലഹാള് ഉണര്ന്നു. ഹര്ത്താല് ദിനത്തില് മത്സ്യങ്ങള്ക്ക് അല്പം വിലകൂടുതലാണെന്ന് ഇവിടെയെത്തിയ ഒരു വീട്ടമ്മപറഞ്ഞു.
മാര്ക്കറ്റിനുള്ളില് പ്രവര്ത്തിക്കുന്ന മുഴുവന് കടകളും ഇന്നലേയും തുറന്നു പ്രവര്ത്തിച്ചു. ഹര്ത്താലിന് ആഭിമുഖ്യം പ്രഖ്യാപിച്ച് പ്രകടനം നടത്തിക്ഷീണിച്ചുവരുന്ന രാഷ്ട്രീയക്കാരും മാര്ക്കറ്റിനുള്ളില് പ്രവര്ത്തിക്കുന്ന ചായക്കട അന്വേഷിച്ചെത്തുന്നു. ഈ ദിവസം മാര്ക്കറ്റിനുള്ളിലേക്ക് വരുന്ന വാഹനങ്ങള്ക്കും വിലക്കില്ല. കടുത്ത രാഷ്ട്രീയമുഖമുള്ള പള്ളുരുത്തിയുടെ ഏറ്റവും പക്വമായരൂപമാണ് ഇവിടെ ദര്ശിക്കാന് കഴിയുക.
