റോം: ദക്ഷിണ ഇറ്റലിയിലെ അവെല്ലിനോ നഗരത്തിനു സമീപം ടൂറിസ്റ്റ് ബസ് കൊക്കയിലേക്ക് മറിഞ്ഞ് 37 പേര് മരിച്ചു. പതിനൊന്ന് പേര്ക്ക് പരിക്കേറ്റു. ഇതില് രണ്ടു പേരുടെ നില ഗുരുതരമാണ്. വിനോദയാത്ര കഴിഞ്ഞ് മടങ്ങുകയായിരുന്ന 50ഓളം തദ്ദേശീയരായ യാത്രക്കാരായിരുന്നു ബസ്സിലുണ്ടായിരുന്നത്.
പ്രാദേശിക സമയം ഇന്നലെ രാത്രിയാണ് അപകടമുണ്ടായത്. നിയന്ത്രണം വിട്ട് ബസ് കൊക്കയിലേക്ക് മറിയുകയായിരുന്നു. നിരവധി വാഹനങ്ങളില് ഇടിച്ച ശേഷമാണ് 100 അടിയോളം താഴ്ചയുള്ള കൊക്കയിലേക്ക് ബസ് മറിഞ്ഞതെന്നാണ് റിപ്പോര്ട്ട്. രക്ഷാപ്രവര്ത്തനത്തിയവര് ബസ് വെട്ടിപ്പൊളിച്ചാണ് ആളുകളെ പുറത്തെടുത്തത്.
കിഴക്കന് ഇറ്റലിയെയും തെക്കന് ഇറ്റലിയെയും ബന്ധിപ്പിക്കുന്ന പ്രധാനപാതയിലാണ് അപകടം. അപകടത്തെ തുടര്ന്ന് ഈ ഹൈവേ അടച്ചിരിക്കുകയാണ്.
