പെരുമ്പാവൂര്: പോഞ്ഞാശ്ശേരി ചെമ്പാരത്ത്കുന്ന് എല്പിസ്കൂളില് കഴിഞ്ഞ ദിവസമുണ്ടായ സ്ഫോടനത്തില് സമീപ്രദേശത്തെ മതതീവ്രവാദബന്ധവും അന്വേഷിക്കണമെന്ന് ഹിന്ദുഐക്യവേദി ജില്ലാ സെക്രട്ടറി ഇ.ജി.മനോജ് ആവശ്യപ്പെട്ടു. സ്കൂളിന്റെ ഭരണം കയ്യാളുന്നതില് മുസ്ലീം കള്ച്ചറല് അസോസിയേഷന് എന്ന സംഘടനയില് വന്ന ഭിന്നാഭിപ്രായവും ചേരിതിരിവുമാണ് സ്കൂള് തോട്ടവച്ച് തകര്ക്കുന്നത്വരെ എത്തിയത്. സംഘടനയിലെ ഭിന്നിപ്പ് മുതലെടുത്ത് മതതീവ്രവാദ സംഘടനകളാകാം സ്കൂള് തകര്ക്കുന്നതിന് ശ്രമം നടത്തിയതെന്നും അന്വേഷിക്കണമെന്നും അദ്ദേഹം കൂട്ടിച്ചേര്ത്തു.
ഞായറാഴ്ച വെളിപ്പിന് 3നാണ് ചെമ്പാരത്ത്കുന്ന് എല്പി സ്കൂളിലെ പാചകപ്പുര തോട്ടപൊട്ടിച്ച് തകര്ക്കാന് ശ്രമം നടന്നത്. ഇതെതുടര്ന്ന് പാചകപ്പുരയുടെ ഒരു കാല് പൂര്ണ്ണമായും ഒരുഭിത്തിയും തകര്ന്നിരുന്നു. ഇതേതുടര്ന്ന് പോലീസും വിരലടയാള വിദഗ്ധരും ബോംബ് സ്ക്വാടും സ്ഥലത്തെത്തി പരിശോധന നടത്തിയെങ്കിലും കൂടുതല് വിവരങ്ങളെന്നും ലഭ്യമായില്ല. എല്കെജി മുതല് 4 വരെ ക്ലാസുകളില് പഠിക്കുന്ന വിദ്യാര്ത്ഥികള്ക്കുള്ളില് ഭയം ഉടലെടുപ്പിക്കുന്നതിനാണ് ചിലര് വിദ്യാലയത്തില് ഭീകരാന്തരീക്ഷം സൃഷ്ടിക്കുന്നതെന്ന് നാട്ടുകാര് പറയുന്നു.
