ആലുവ: മുന് മന്ത്രി ജോസ് തെറ്റയിലിന്റെ മകന് ആദര്ശിനുവേണ്ടി പീഡന കേസുമായി ബന്ധപ്പെട്ട് അന്വേഷണം മുംബൈയിലേക്കും. അവിടത്തെ ഒരു സ്ഥാപനത്തിലാണ് ആദര്ശ് ജോലി ചെയ്യുന്നത്. ബന്ധുക്കളെ ഉപയോഗപ്പെടുത്തി ഇയാളെ നാട്ടിലെത്തിക്കുന്നതിന് ശ്രമം നടത്തിയെങ്കിലും മൊബെയില് ഓഫാക്കി മുങ്ങിയിരിക്കുകയാണ്. ഇയാള് മുംബൈയില് തന്നെ ഉണ്ടെന്നാണ് പോലീസിന്റെ നിഗമനം. പിടികൂടുന്നതിനുവേണ്ടി മുംബൈയിലേക്ക് പ്രത്യേക സംഘത്തെ അയയ്ക്കുന്ന കാര്യം തീരുമാനിച്ചിട്ടില്ലെന്നാണ് പോലീസ് പറയുന്നത്. ഇതിനിടെ ആദര്ശുമായുള്ള ലൈംഗിക ബന്ധവും യുവതി വീഡിയോയില് പകര്ത്തിയിട്ടുണ്ട്. ആദര്ശ് വിവാഹം കഴിക്കുമെന്ന് ഉറപ്പായതുകൊണ്ടാണ് ഇയാളുമായി ആറുതവണ ശാരീരികബന്ധം പുലര്ത്തിയതെന്ന് യുവതി പറയുന്നു. തങ്ങള് തമ്മിലുള്ള ബന്ധം നിഷേധിക്കപ്പെടാനിടയുണ്ടെന്നതിനാലാണ് ആദര്ശുമായുള്ള ലൈംഗിക ബന്ധവും യുവതി വീഡിയോയിലാക്കിയത്. എംഎല്എ തന്നെ ബലം പ്രയോഗിച്ചാണ് ആദ്യഘട്ടത്തില് മാനഭംഗപ്പെടുത്തിയത്. ഇയാളും ഇത് നിഷേധിച്ച് രക്ഷപ്പെടാതിരിക്കാനാണ് പിന്നീട് അനുനയത്തില് വിളിച്ചുവരുത്തി വീഡിയോയില് പകര്ത്തിയതെന്നും യുവതി പറയുന്നു. ഇതിനിടെ യുവതിയെ സംബന്ധിച്ച് തെറ്റയില് നല്കിയിട്ടുള്ള പരാതിയെത്തുടര്ന്ന് യുവതിയെക്കുറിച്ചും കൂടുതല് അന്വേഷണം നടത്താനാണ് തീരുമാനം. ഇതിന്റെ ഭാഗമായി യുവതിയുടെ ആദ്യ ഭര്ത്താവിനെ കണ്ടെത്താനുള്ള ശ്രമവും പോലീസ് നടത്തുന്നുണ്ട്.
തെറ്റയിലിന്റെ മകനുവേണ്ടി മുംബൈയിലും അന്വേഷണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.