തൃപ്പൂണിത്തുറ: അമ്പലമുകള്‍ എച്ച്‌ഒഎസി കമ്പനിയില്‍ സിഐടിയു-എഐടിയുസി ആക്രമണത്തില്‍ ബലിദാനിയായ സി.എ.ഉണ്ണികൃഷ്ണന്‍ കര്‍മ്മയോഗിയായ തൊഴിലാളിപ്രവര്‍ത്തകനായിരുന്നുവെന്ന്‌ ബിഎംഎസ്‌ മുന്‍ അഖിലേന്ത്യാ വര്‍ക്കിംഗ്‌ പ്രസിഡന്റ്‌ ആര്‍.വേണുഗോപാല്‍ പറഞ്ഞു. ഉണ്ണികൃഷ്ണന്‍ അനുസ്മരണദിനാചരണം ഉദ്ഘാടനം ചെയ്യുകയായിരുന്നു അദ്ദേഹം.
തൃപ്പൂണിത്തുറ എന്‍എസ്‌എസ്‌ സെന്‍ട്രല്‍ കരയോഗം ഹാളില്‍ നടന്ന ചടങ്ങില്‍ ബിഎംഎസ്‌ മേഖലാ പ്രസിഡന്റ്‌ സി.എ.സജീവന്‍ അധ്യക്ഷനായിരുന്നു. കാക്കനാട്‌ ശുശ്രുതാ ഐ ഹോസ്പിറ്റല്‍ ഡയറക്ടര്‍ ഡോ. അനില്‍ കെ.നമ്പ്യാര്‍, ബിഎംഎസ്‌ ജില്ലാ വൈസ്‌ പ്രസിഡന്റ്‌ എം.എം.രമേഷ്‌, സെക്രട്ടറി ആര്‍.രഘുരാജ്‌, മേഖലാ സെക്രട്ടറി എം.എസ്‌.വിനോദ്‌ കുമാര്‍ എന്നിവര്‍ ആശംസകള്‍ നേര്‍ന്നു. അനുസ്മരണ ദിനാചരണത്തിന്റെ ഭാഗമായി കക്കനാട്‌ ശുശ്രുതാ ഐ ഹോസ്പിറ്റലിന്റെ സഹകരണത്തോടെ നടത്തിയ നേത്രപരിശോധനാ ക്യാമ്പില്‍ നൂറുകണക്കിനാളുകള്‍ പങ്കെടുത്തു. ക്യാമ്പില്‍ പരിശോധനക്കെത്തിയവരില്‍നിന്നും തെരഞ്ഞെടുക്കുന്ന രോഗികള്‍ക്ക്‌ തുടര്‍ ചികിത്സ സൗജന്യമായി നല്‍കുമെന്ന്‌ ഡയറക്ടര്‍ ഡോ. അനില്‍ കെ.നമ്പ്യാര്‍ അറിയിച്ചു.
