ഫ്ലോറിഡ: അമേരിക്കയിലെ ഫ്ലോറിഡയില് ചെറുവിമാനം തകര്ന്ന് മൂന്ന് പേര് മരിച്ചു. ഫോര്ട്ട് ലോഡര്ഡയിലെ വിമാനത്താവളത്തിന്റെ പാര്ക്കിംഗ് ഗ്രൗണ്ടിലാണ് ഇരട്ട എന്ജിനുള്ള വിമാനം തകര്ന്നു വീണത്. വിമാനത്തിലുണ്ടായിരുന്ന മൂന്ന് പേരാണ് മരിച്ചത്.
വെള്ളിയാഴ്ച ഉച്ചയ്ക്കാണ് അപകടമുണ്ടായത്. എഞ്ചിന് തകരാറാണ് അപകട കാരണം. അപകടത്തില് പാര്ക്കിംഗ് ഗ്രൗണ്ടിലുണ്ടായിരുന്ന നിരവധി വാഹനങ്ങള് കത്തിനശിച്ചു. താഴെയുണ്ടായിരുന്ന ആര്ക്കും അപകടത്തില് പരിക്കേറ്റിട്ടില്ല. വിമാനത്താവളത്തില് നിന്നും പറന്നുയര്ന്ന ഉടനായിരുന്നു അപകടമുണ്ടായത്.
നിയന്ത്രണം വിട്ടതിനെ തുടര്ന്ന് വിമാനം അടിയന്തരമായി തിരിച്ചിറക്കുന്നതിനിടെ മരത്തില് തട്ടി പാര്ക്കിംഗ് ഗ്രൗണ്ടില് തകര്ന്ന് വീഴുകയായിരുന്നെന്ന് സുരക്ഷാ വിഭാഗം തലവനായ ജോണ് സാന് ആജ്ഞലോ അറിയിച്ചു. അടിയന്തിരമായി നിലത്തിറക്കാന് ശ്രമിച്ചെങ്കിലും പരാജയപ്പെടുകയായിരുന്നുവെന്ന് സുരക്ഷാ വിഭാഗം ഉദ്യോഗസ്ഥന് അറിയിച്ചു.
