ആലുവ: ഹൈടെക്രീതിയില് പെണ്വാണിഭം നടത്തുന്നതിനിടെ പിടിയിലായ ഏലൂര് സ്വദേശി രാജേഷ്കുമാറിന്റെ വലയില് ഒട്ടേറെ സ്ത്രീകള്. പലസ്ത്രീകളേയും ഭീഷണിപ്പെടുത്തിയും ബ്ലാക്ക്മെയില് ചെയ്തുമാണ് ഇയാള് കൂടെനിര്ത്തിയിട്ടുള്ളത്. മൊബെയില് ഫോണ് പരിശോധിച്ചതില് നിന്നും ഇയാളുടെ വലയിലുള്ള നിരവധി സ്ത്രീകളുടെ ചിത്രങ്ങളും മൊബെയില് നമ്പറുകളും ലഭിച്ചിട്ടുണ്ട്. ഇതനുസരിച്ച് ഈ സ്ത്രീകളില് ചിലരെ വരുംദിവസങ്ങളിലായി പോലീസ് ചോദ്യം ചെയ്യും. ഇന്റര് നെറ്റ് വഴിയും ഇയാള് പെണ്വാണിഭം നടത്തുന്നുണ്ട്. സാമ്പത്തികമായി വിഷമതയനുഭവിക്കുന്ന കുടുംബങ്ങളിലെ സ്ത്രീകളെയാണ് രാജേഷ് പെണ്വാണിഭത്തിന് ഇരകളാക്കുന്നത്. സ്ത്രീകളെ ഉപയോഗപ്പെടുത്തിയാണ് കൂടുതല് സ്ത്രീകളെ സംഘത്തിലേക്ക് റിക്രൂട്ട് ചെയ്തിരുന്നത്. സംഘത്തില്പ്പെട്ട ചേര്ത്തല സ്വദേശിനിയായ യുവതി കൊച്ചിയില് ഒരു സ്ഥാപനത്തില് ജോലി ചെയ്യുന്നതായാണ് വെളിപ്പെടുത്തിയിരുന്നത്. ഇവര്നിത്യേന ട്രെയിനിലാണ് ചേര്ത്തലയില് നിന്നും കൊച്ചിയിലെത്തിയിരുന്നത്. സംസ്ഥാനത്തിന്റെ പലഭാഗങ്ങളിലും ഫ്ലാറ്റുകളും ഹോട്ടല് മുറികളുമെടുത്ത് അവിടെയാണ് സ്ത്രീകളെ ക്യാമ്പ് ചെയ്യിപ്പിക്കുന്നത്.
പലപ്പോഴും ആവശ്യമുള്ളവര്ക്ക് അവരുടെ സ്ഥലങ്ങളില് സ്ത്രീകളെ എത്തിച്ചുകൊടുക്കുകയായിരുന്നു. ആദ്യം രാജേഷാണ് സ്ത്രീകളെ ആവശ്യപ്പെടുന്നവര്ക്ക് മുന്നില് പ്രത്യേക്ഷപ്പെടുക. കൊച്ചിയിലെ ഏതെങ്കിലും ടീഷോപ്പിലേക്ക് വരാനാണ് രാജേഷ് ആവശ്യക്കാരോട് പറയുക. നിരവധി സിംകാര്ഡുകള് ഇയാള് എടുത്തതായി അന്വേഷണത്തില് കണ്ടെത്തി. ടീഷോപ്പില്വച്ച് ശരിയായി പരിചയപ്പെട്ടശേഷംമാത്രമായിരിക്കും മൊബെയില് ഫോണിലുള്ള പെണ്കുട്ടികളുടെ ചിത്രങ്ങള് കാണിക്കുക. ചിത്രങ്ങളില് ഇഷ്ടപ്പെട്ട സ്ത്രീകളെ പിന്നീട് ഇവര്ക്ക് വിട്ടുകൊടുക്കുകയാണ് ചെയ്യുന്നത്. ചില സ്ത്രീകളെ രണ്ടും മൂന്നും ദിവസങ്ങളിലേക്ക് വരെ ഇത്തരത്തില് വിട്ടുകൊടുക്കാറുണ്ട്. കേരളത്തിന് വെളിയിലേക്ക് വിട്ടുകൊടുക്കണമെങ്കില് ഒരു ദിവസത്തേക്ക് ഇരുപത്തിഅയ്യായിരം രൂപയാണ് ഈടാക്കുക.
ഇയാളുടെ സംഘത്തില് പ്രായപൂര്ത്തിയാകാത്ത ചില പെണ്കുട്ടികളുമുള്ളതായി കണ്ടെത്തിയിട്ടുണ്ട്. ഇയാള് പതിവായി പെണ്വാണിഭത്തിന് ഉപയോഗപ്പെടുത്തുന്ന ഹോട്ടല് മുറികളും തിരിച്ചറിഞ്ഞിട്ടുണ്ട്.
ഹൈടെക് പെണ്വാണിഭം: രാജേഷിന്റെ വലയില് നൂറിലേറെ സ്ത്രീകള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.