അങ്കമാലി: കാലടി ഭാഗത്തുനിന്ന് വരുന്ന ബസ്സുകള് വണ്വേ പാലിച്ച് ടിബി ജംഗ്ഷന്, സര്ക്കാര് ആശുപത്രി , കെഎസ്ആര്സി സ്റ്റാന്റ് വഴി ടൗണില് പ്രവേശിക്കണമെന്ന് ആവശ്യപ്പെട്ട് ബിജെപി പ്രവര്ത്തകര് എല്എഫ് ജംഗ്ഷനില് ബസ്സുകള് തടഞ്ഞു. ടൗണ്ചുറ്റി പ്രകടനത്തിന് ശേഷം നടന്ന ബസ്സ് തടയല് സമരം ബിജെപി ജില്ലാസെക്രട്ടറി എം.എ.ബ്രഹ്മരാജ് ഉദ്ഘാടനം ചെയ്തു. അങ്കമാലിയിലെ ട്രാഫിക് പരിഷ്ക്കാരം നടപ്പിലാക്കി മുനിസിപാലിറ്റി അധികാരികള് ജനങ്ങളോട് നീതികാട്ടണമെന്ന് ജില്ലാസെക്രട്ടറി പറഞ്ഞു.
യോഗത്തില് നിയോജക മണ്ഡലം കണ്വീനര് ബിജുപുരുഷോത്തമന് അദ്ധ്യക്ഷതവഹിച്ചു. നിയോജകമണ്ഡലം ജോയിന്റ് കണ്വീനര് എം.വി.ലക്ഷ്മണ്, ടി.എസ്.രാധാകൃഷ്ണന്, യുവമോര്ച്ച മണ്ഡലം പ്രസിഡന്റ് സലീഷ് ചെമ്മണ്ടൂര്, ടി.കെ.അപ്പുക്കുട്ടന് മണിവെങ്ങോല, എം.ആര്.ദിനേശന്, എം.കെ.ബാബു, എം.കെ.ഷാജി, കെ.ടി.ഷാജി, മുരുകദാസ്, ബി.വി.ചന്ദ്രന്, കെ.എസ്.സേതു, കെ.പി.സോമന്, ആനന്ദന്.കെ.എസ്, സുജിത്ത് ഗോപിനാഥ് തുടങ്ങിയവര് പ്രസംഗിച്ചു.
