കൊച്ചി: ഏറ്റവും മികച്ച രീതിയില് ജന്തുക്ഷേമ പ്രവര്ത്തനങ്ങള് നടത്തുന്ന ജന്തുക്ഷേമ സംഘടനയ്ക്ക്/വ്യക്തിയ്ക്ക് മൃഗസംരക്ഷണ വകുപ്പ് അവാര്ഡ് നല്കുന്നു. രജിസ്റ്റര് ചെയ്ത ജന്തുക്ഷേമ സംഘടനകള്, എസ്പിസിഎകള്, ജന്തുക്ഷേമം ജീവിതചര്യയായി സ്വീകരിച്ചിട്ടുള്ള വ്യക്തികള് എന്നിവര്ക്ക് അപേക്ഷിക്കാവുന്നതാണ്. 25,000/- രൂപയുടെ ക്യാഷ് അവാര്ഡ് ആണ് നല്കുന്നത്. സംഘടനകള് അവരുടെ ഔദ്യോഗിക ലറ്റര് ഹെഡിലുള്ള അപേക്ഷയില് ജന്തുക്ഷേമ യൂണിറ്റിന്റെ പേര്, മേല്വിലാസം, രജിസ്റ്റര് നമ്പര്, പ്രവര്ത്തനം ആരംഭിച്ച തീയതി, കഴിഞ്ഞ ഒരു വര്ഷത്തെ പ്രവര്ത്തനങ്ങള്, (രേഖകള് സഹിതം അതായത് 2012 ജനുവരി 1 മുതല് ഡിസംബര് 31 വരെയുള്ള കാലയളവ്) പ്രവര്ത്തിക്കുന്ന ജില്ല എന്നിവയുള്പ്പെടുത്തിയിരിക്കണം. വ്യക്തികള് അവരുടെ പേര്, മേല്വിലാസം, പ്രവര്ത്തനം ആരംഭിച്ച തീയതി, മുകളില് വിവരിച്ചിട്ടുള്ള കാലയളവിലെ പ്രവര്ത്തനങ്ങള്, ജില്ല എന്നിവയുള്പ്പെടുത്തേണ്ടതാണ്. വ്യക്തികളുടെ അപേക്ഷകള് ജില്ലാ മൃഗസംരക്ഷണ ഓഫീസര് സാക്ഷ്യപ്പെടുത്തണം. 2013 ജനുവരി 30 വൈകിട്ട് 5 മണിവരെ അപേക്ഷകള് സ്വീകരിക്കും. അപേക്ഷകള് ഡയറക്ടര്, മൃഗസംരക്ഷണ വകുപ്പ് ഡയറക്ടറേറ്റ്, വികാസ് ഭവന്, തിരുവനന്തപുരം-33 എന്ന വിലാസത്തില് അയയ്ക്കണം. കവറിന് പുറത്ത് മുകളിലായി ‘മികച്ച ജന്തുക്ഷേമ സംഘടന/വ്യക്തിയ്ക്കുള്ള അവാര്ഡിനുള്ള അപേക്ഷ’ എന്ന് എഴുതിയിരിക്കണം. സംഘടനകള് ദേശീയ ജന്തുക്ഷേമ ബോര്ഡ് അംഗീകാരമുള്ളവയാണ് എന്നു തെളിയിക്കുന്ന രേഖകള് അപേക്ഷയോടൊപ്പം ഹാജരാക്കണം. വ്യക്തികള് നല്കുന്ന അപേക്ഷയില് ബന്ധപ്പെട്ട തദ്ദേശ സ്വയംഭരണ സ്ഥാപന അധികാരി സാക്ഷ്യപ്പെടുത്തേണ്ടതാണ്.
സംഘടന/വ്യക്തി സമൂഹത്തിന് ജന്തുക്ഷേമ നിയമങ്ങളെക്കുറിച്ച് നല്കിയ അവബോധം സാക്ഷ്യപ്പെടുത്തുന്ന രേഖകളും സംഘടനയെ/വ്യക്തിയെ കുറിച്ച് ജില്ലാ കളക്ടറുടെ സാക്ഷ്യപത്രവും സമര്പ്പിക്കണം.
