കാലടി: തിരുവൈരാണിക്കുളം മഹാദേവ ക്ഷേത്രത്തിലെ ശ്രീപാര്വതീ ദേവിയുടെ നടതുറപ്പ് മഹോത്സവം ഇന്ന് സമാപിക്കും. രാത്രി എട്ട് മണിയ്ക്ക് പാര്വതീ ദേവിയുടെ നട അടയ്ക്കുന്നതോടെ 12 ദിവസത്തെ നട തുറപ്പ് മഹോത്സവം പൂര്ത്തിയാകും.
ധനുമാസത്തിലെ തിരുവാതിര മുതല് 12 ദിവസം മാത്രം ദര്ശനം നല്കുന്ന പാര്വതീദേവിയെ ദര്ശിക്കാന് ഒരാണ്ടിന്റെ കാത്തിരിപ്പ് വേണം. എന്നാല് ഒരേ ശ്രീകോവിലില് തന്നെ എതിര്ദിശയില് പ്രതിഷ്ഠയുള്ള മഹാദേവന്റെ നടയില് നിത്യപൂജയും ദര്ശനവുമുണ്ട്.
നട അടയ്ക്കലിന്റെ തലേനാളായ ഇന്നലെ ജനസഹസ്രങ്ങളായിരുന്നു ദര്ശനത്തിനെത്തിയിരുന്നത്. നട തുറപ്പിനുള്ള വിശേഷ ചടങ്ങുകള് പോലെ നട അടയ്ക്കലിനും വിശേഷ ചടങ്ങുകളുണ്ട്. മഹാദേവന്റെ അത്താഴപൂജയ്ക്ക് മുമ്പായി ദേവിയെ പാട്ടുപുരയില് നിന്നും ശ്രീകോവിലിലേയ്ക്ക് എഴുന്നള്ളിക്കുന്നു. ക്ഷേത്ര ഊരാണ്മക്കാരായ അകവൂര്, വെടിയൂര്, വെണ്മണി എന്നീ മൂന്ന് മനക്കാരും ചേര്ന്ന് ‘സമുദായ’മായി അവരോധിച്ചിട്ടുള്ള തിരുമേനിയും ദേവിയുടെ ഉറ്റതോഴിയായി സങ്കല്പ്പിക്കപ്പെടുന്ന പുഷ്പിണിയുടെ സ്ഥാനത്തുള്ള ബ്രാഹ്മിണിയമ്മയും ഇതേസമയം നടയ്ക്കല് വന്ന് നില്ക്കും. എല്ലാവരും തൃക്കണ് പാര്ത്തു കഴിഞ്ഞുവോയെന്ന് പുഷ്പിണിയുടെ മൂന്ന് വട്ട ചോദ്യത്തിന് ഉവ്വെന്ന് സമുദായം തിരുമേനിയുടെ ഉത്തരം കിട്ടികഴിഞ്ഞാല് നട അടപ്പിക്കട്ടെ എന്ന് മൂന്ന് വട്ടം പുഷ്പിണി വീണ്ടും ചോദിക്കും. അടപ്പിച്ചാലും എന്ന് സമുദായം തിരുമേനിയുടെ മറുപടി പ്രകാരം നട അടയ്ക്കാന് പുഷ്പിണി ശാന്തിക്കാരനോട് പറയും. ദേവിയുടെ ഉറ്റ തോഴിയാല് പുഷ്പിണി പറഞ്ഞാല് മാത്രമേ നട അടയ്ക്കുവാനും തുറക്കുവാനും പാടുള്ളൂ. ആചാരപ്രകാരമുള്ള നടയടയ്ക്കലോടെ നട തുറപ്പ് മഹോത്സവത്തിന് സമാപനമാകും.
