ആലുവ: പരസ്യമായ അക്രമ പ്രവര്ത്തനങ്ങളില് ഏര്പ്പെടാതെ അക്രമ പ്രവര്ത്തനങ്ങള് നടത്തുന്നതിന് ക്വട്ടേഷനുകളെടുക്കുന്ന സംഘങ്ങള് ആലുവായില് വീണ്ടും സജീവമാകുന്നു. ഗുണ്ടാനിയമത്തെ തുടര്ന്ന് പലരും നിരീക്ഷണത്തിലായതോടെയാണ് രഹസ്യമായ പ്രവര്ത്തനങ്ങള് സജീവമായിരിക്കുന്നത്. കഴിഞ്ഞ ദിവസം നൊച്ചിമയില് ഒരു കൂടുംബത്തെ അര്ദ്ധരാത്രി വീടിനകത്തുകയറി കൊലപ്പെടുത്താന് ശ്രമിച്ച സംഭവത്തെക്കുറിച്ചുള്ള അന്വേഷണത്തിലാണ് നിശബ്ദ ഗുണ്ടാപ്രവര്ത്തനം സജീവമാണെന്ന് വെളിപ്പെട്ടത്ത്. അക്രമത്തിനിരയായ കുടുംബത്തില്പ്പെട്ട ഒരു യുവാവിന്റെ പ്രവര്ത്തനങ്ങള് സംബന്ധിച്ചും കൂടുതല് അന്വേഷണങ്ങള് പോലീസ് നടത്തിവരുന്നുണ്ട്. നിശബ്ദമായി പ്രവര്ത്തിക്കുന്ന ക്വട്ടേഷന് സംഘങ്ങളിലെ പലരും മറ്റ് ജോലികള് ചെയ്യുന്നവരാണ്. അതുപോലെ നാട്ടിലും കാര്യമായി അക്രമ പ്രവര്ത്തനങ്ങളില് ഇവര് സജീവമാകുകയില്ല. ഏതെങ്കിലുമൊക്കെ രാഷ്ട്രീയ പ്രസ്ഥാനങ്ങളില് ഇവരൊക്കെ അണികളായിചേരുകയും ചെയ്യും. കഴിഞ്ഞ പത്ത് വര്ഷത്തിനിടെ വിവിധ കേസുകളില് പ്രതികളായിട്ടുള്ളവരുടെ ഇപ്പോഴത്തെ ജീവിതസാഹചര്യങ്ങളെ സംബന്ധിച്ച് രഹസ്യാന്വേഷണ വിഭാഗം നടത്തിയ അന്വേഷണത്തില് ഇവരില് നിരവധി പേര് ഇപ്പോള് പലരാഷ്ട്രീയ പ്രസ്ഥാനങ്ങളുടെയും പ്രാദേശിക നേതൃത്വനിരയില്വരെ പ്രവര്ത്തിക്കുന്നുണ്ടെന്ന് വെളിപ്പെട്ടു. എന്നാല് ചിലരെല്ലാം ഗുണ്ടാപ്രവര്ത്തനങ്ങളില് നിന്നും മറ്റും പൂര്ണ്ണമായിവിമോചിതമായിട്ടുണ്ടെന്നും കണ്ടെത്തിയിട്ടുണ്ട്. സംസ്ഥാനത്തിന്റെ പല ഭാഗങ്ങളിലും നടക്കുന്ന കുഴല്പ്പണ ഇടപാടുകള് സ്പിരിറ്റ് കടത്ത്, മണല്കടത്ത് തുടങ്ങിയവരുമായി ബന്ധപ്പെട്ടവര്ക്ക് പലവിധത്തിലുള്ള സഹായങ്ങളും ഈ നിശബ്ദഗുണ്ടാസംഘങ്ങള് ചെയ്തുകൊടുക്കുന്നുമുണ്ട്.
ആലുവായില് ഗുണ്ടാസംഘം സജീവമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.