ആലുവ: ജനങ്ങളുടെ സ്വകാര്യജീവിതത്തിന് ഭീഷണി ഉയര്ത്തുകയും സമാധാന അന്തരീക്ഷം തകര്ക്കുകയും ചെയ്യുന്ന നൊച്ചിമ കേന്ദ്രീകരിച്ച് വര്ദ്ധിച്ചുവരുന്ന ഗുണ്ട-ക്വട്ടേഷന് സംഘങ്ങളെ പോലീസിന്റെ ശക്തമായ ഇടപെടല് നടത്തി പിടികൂടണമെന്ന് വിവിധ ഹൈന്ദവ സംഘടനകളുടെ സംയുക്തയോഗം ആവശ്യപ്പെട്ടു. കഴിഞ്ഞ ദിവസം ഗര്ഭിണിയായ ഭാര്യയേയും അമ്മയേയും മുത്തശ്ശിയേയും യുവാവിനെയും രാത്രിയുടെ മറവില് വീട്ടില് കയറി വെട്ടിയും കുത്തിയും വധിക്കാന് ശ്രമിക്കുകയും വീട് പൂര്ണമായും തല്ലിത്തകര്ക്കുകയും ചെയ്ത ഗുണ്ടാസംഘങ്ങള്ക്കെതിരെ വധശ്രമത്തിനും ഭവനഭേദനത്തിനും, സ്ത്രീ പീഡനത്തിനുമുള്ള കുറ്റം ചുമത്തി കേസെടുക്കണമെന്ന് യോഗം ആവശ്യപ്പെട്ടു. അക്രമത്തിന് ഉപയോഗിച്ച 4 കാറുകള്, ഒരു ടെമ്പോട്രാവലര് എന്നിവ കസ്റ്റഡിയിലെടുത്ത് ഉടമകളെ അറസ്റ്റ് ചെയ്യണം. ആക്രമണങ്ങള്ക്ക് നേതൃത്വം കൊടുത്ത വടിവാള് സുലൈമാന്റേയും മകന് ബിലാലിന്റെയും ഭീകരവാദികളുമായുള്ള ബന്ധം അന്വേഷിക്കുകയും പിന്നില് പ്രവര്ത്തിക്കുന്ന തീവ്രവാദികളുടെ പങ്ക് വെളിച്ചത്ത് കൊണ്ടുവരണമെന്നും യോഗം ആവശ്യപ്പെട്ടു. ബിജെപി എടത്തല പഞ്ചായത്ത് കമ്മറ്റി പ്രസിഡന്റ് പ്രദീപ് പെരുംപടന്ന യോഗം ഉദ്ഘാടനം ചെയ്തു. ആര്എസ്എസ് ഖണ്ഡ് കാര്യവാഹ് ജി.എന്.ദാസന് വിവിധ ഹൈന്ദവ സംഘടനാ നേതാക്കളായ എം.കെ.രാമകൃഷ്ണന്, ടി.വി.ദാമോദരന്, ജിതിന്, രാധാകൃഷ്ണന് എന്നിവര് പ്രസംഗിച്ചു. ഇതിനെതിരെ ശക്തമായ സമരങ്ങള് സംഘടിപ്പിക്കാന് യോഗം തീരുമാനമെടുത്തു.
നൊച്ചിമയിലെ ഗുണ്ട-ക്വട്ടേഷന് സംഘങ്ങളെ അമര്ച്ചചെയ്യണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.