കൊച്ചി: നോര്ത്ത് അമേരിക്കന് അസോസിയേഷന് ഓഫ് ഇന്ത്യന് ഐടി പ്രൊഫഷണല്സിന്റെ (എന്എഎഐഐപി)യുടെ യുഎസ്-ഇന്ത്യ കണക്ടിവിറ്റി പ്രോഗ്രാമിന്റെ ഉദ്ഘാടനം 13ന് വൈകിട്ട് അഞ്ചിന് ഇന്ഫോപാര്ക്കിലെ തപസ്യ ബില്ഡിംഗിലെ എംപി ഹാളില് നടക്കും. മന്ത്രിമാരായ മഞ്ഞളാംകുഴി അലി, കെ. ബി. ഗണേഷ്കുമാര് എന്നിവര് പങ്കെടുക്കും. അഞ്ചോളം പുതിയ പദ്ധതികള് തുടങ്ങാനാണ് എന്എഎഐഐപി തീരുമാനമെന്ന് ഭാരവാഹികള് പറഞ്ഞു.
പ്രൊജക്ടിന്റെ ഭാഗമായി ബിസിനസ് സംരംഭങ്ങള്ക്കാവശ്യമായ പുതുമയേറിയ ആശയങ്ങള് കണ്ടെത്തുന്നവരില്നിന്ന് തെരഞ്ഞെടുക്കുന്നവര്ക്ക് ഫണ്ട് നല്കുന്നതിനൊപ്പം എന്എഎഐഐപിയുടെ അംഗങ്ങളായ യുഎസ്എയിലെ കമ്പനികളില് മാര്ക്കറ്റിങ്ങുള്പ്പെടെ സൗകര്യം നല്കും.
ഇന്ഫോപാര്ക്കും ടെക്നോപാര്ക്കുമായി ചേര്ന്ന് ജോബ് ഫെയറുകളും സംഘടിപ്പിക്കും. ഇതില് പങ്കെടുക്കാന് താല്പര്യമുള്ളവര് ംംം.ശ3ലേരവിീ.ിലേ എന്നവെബ്സൈറ്റില് ഈമാസം 11ന് മുന്പ് രജിസ്റ്റര്ചെയ്യണം. ഇന്ത്യ-യുഎസ്എ ബിസിനസ്ബന്ധം വളര്ത്തുന്നതിനുള്ള യുഎസ് ബിസിനസ് കണക്ട് ഇന്ത്യയിലെ സിറ്റികളെയും യുഎസ്എ മുനിസിപ്പാലിറ്റികളെയും ബന്ധപ്പെടുത്തിയുള്ള പദ്ധതി ഇന്ത്യയിലെ സ്കൂളുകളിലെ കുട്ടികളില് പൊതുവിജ്ഞാനം വളര്ത്തുന്നതിനായി പുസ്തകങ്ങള് നല്കുന്ന പദ്ധതി, ഐടി വിദ്യാഭ്യാസ സ്ഥാപനങ്ങളിലെ മികച്ച കരിക്കുലംപ്രൊജക്ടിന് നല്കുന്ന ക്യാമ്പസ് ഇന്നവേഷന്സ് അവാര്ഡ് എന്നിവയാണ് മറ്റ് പദ്ധതികളെന്ന് എന്എഎഐഐപി പ്രസിഡന്റ് ഷോജി മാത്യു പറഞ്ഞു.
