വയനാട്: സുല്ത്താന് ബത്തേരി പൊലീസ് സ്റ്റേഷനിലെ സ്റ്റോര് റൂമില് സൂക്ഷിച്ചിരുന്ന ഏഴ് ചാക്ക് നിരോധിത പുകയില ഉത്പന്നങ്ങള് കാണാതായി. ജൂണ് ഏഴിന് ബത്തേരിയിലെ ദൊട്ടപ്പാക്കുളത്ത് നിന്ന് പിടിച്ചെടുത്ത പുകയില ഉത്പന്നങ്ങള് കോടതിയില് ഹാജരാക്കിയ ശേഷം സ്റ്റോര് റൂമില് സൂക്ഷിച്ചിരിക്കുകയായിരുന്നു.
സെപ്തംബര് 10ന് സ്റ്റേഷന് റൈറ്ററും അസിസ്റ്റന്റ് റൈറ്ററും സ്റ്റോര് റൂം വൃത്തിയാക്കാന് എത്തിയപ്പോഴാണ് ചാക്കുകള് കാണാതായെന്ന് മനസിലായത്. മുറിയുടെ പൂട്ട് പൊളിച്ചതിന്റെ ലക്ഷണമില്ല. അസിസ്റ്റന്റ് റൈറ്ററുടെ മേശയില് സൂക്ഷിച്ചിരുന്ന താക്കോല് ഉപയോഗിച്ചാണ് മുറി തുറന്നതെന്നാണ് പ്രാഥമിക നിഗമനം. ജൂണ് 26നും സെപ്തംബര് 10നും ഇടയിലായിരിക്കാം മോഷണം നടന്നതെന്നാണ് കരുതുന്നത്.
ബത്തേരി പൊലീസ് കേസെടുത്ത് അന്വേഷണം ആരംഭിച്ചു.
