ന്യൂദല്‍ഹി: കെഎസ്ആര്‍ടിസി ബസുകളില്‍ സ്ത്രീകള്‍ക്ക് സൗജന്യ യാത്ര അനുവദിച്ച പ്രിയദര്‍ശിനി പദ്ധതി ചോദ്യം ചെയ്ത് സ്വകാര്യ ബസുടമകള്‍ സമര്‍പ്പിച്ച ഹര്‍ജി കോംപറ്റീഷന്‍ കമ്മീഷന്‍ ഓഫ് ഇന്ത്യ തള്ളി.
സ്വകാര്യ ബസുടമകള്‍ക്ക് നഷ്ടം ഉണ്ടാകുന്നു എന്നതുകൊണ്ട് മാത്രം സര്‍ക്കാര്‍ ധനസഹായത്തോടെ പ്രവര്‍ത്തിക്കുന്ന ഒരു ക്ഷേമ പദ്ധതി സൂക്ഷ്മപരിശോധനയ്‌ക്ക് വിധേയമാക്കാനാകില്ലെന്ന് കമ്മീഷന്‍ ചൂണ്ടിക്കാട്ടി.
കേരള സര്‍ക്കാര്‍ ജൂണില്‍ ഇന്ദിര ഗ്യാരണ്ടി പ്രോഗ്രാമിന്റെ ഭാഗമായാണ് പ്രിയദര്‍ശിനി പദ്ധതി അവതരിപ്പിച്ചത്. പദ്ധതിയുടെ ആദ്യ ഘട്ടത്തില്‍ എല്ലാ സ്ത്രീകള്‍ക്കും ട്രാന്‍സ്ജെന്‍ഡര്‍മാര്‍ക്കും കെഎസ്ആര്‍ടിസി ഓര്‍ഡിനറി ബസുകളില്‍ സൗജന്യ യാത്ര നല്‍കുന്നു.
സ്വകാര്യ ബസുകളില്‍ നിന്ന് സ്ത്രീ യാത്രക്കാര്‍ ഗണ്യമായി കെഎസ്ആര്‍ടിസി സര്‍വീസുകളിലേക്ക് മാറാന്‍ ഈ പദ്ധതി കാരണമായെന്നും ഇത് തങ്ങളുടെ യാത്രക്കാരുടെ എണ്ണത്തിലും വരുമാനത്തിലും ഗണ്യമായ കുറവുണ്ടാക്കിയെന്നുമായിരുന്നു സ്വകാര്യ ബസ് ഓപ്പറേറ്റര്‍മാരുടെ വാദം.
