ന്യൂദല്ഹി: ജുഡീഷ്യറിയെ വിമര്ശിക്കുന്നതില് തെറ്റില്ലെന്നും എന്നാല് അത്തരം വിമര്ശനങ്ങള് ഉചിതമായ വേദിയില് മാത്രമേ ഉന്നയിക്കാവൂയെന്നും സുപ്രീം കോടതി. എന്സിആര്ടി എട്ടാം ക്ലാസ് സാമൂഹ്യശാസ്ത്ര പാഠപുസ്തകത്തിലെ ‘എക്സ്പ്ലോറിംഗ് സൊസൈറ്റി: ഇന്ത്യയും അതിനപ്പുറവും’ എന്ന അധ്യായത്തെക്കുറിച്ച് സ്വമേധയാ എടുത്ത കേസ് തീര്പ്പാക്കുന്നതിനിടെയാണ് ചീഫ് ജസ്റ്റിസ് സൂര്യകാന്ത് , ജസ്റ്റിസുമാരായ ജോയ്മല്യ ബാഗ്ചി , വി മോഹന എന്നിവരടങ്ങിയ ബെഞ്ച് ഈ നിരീക്ഷണം നടത്തിയത് .
ഒരു സ്ഥാപനമെന്ന നിലയില് ജുഡീഷ്യറി വിമര്ശനത്തോട് വിമുഖത കാണിക്കുന്നില്ല, അങ്ങനെ ആകാനും കഴിയില്ല. ജുഡീഷ്യല് പ്രവര്ത്തനങ്ങളെക്കുറിച്ചുള്ള ന്യായവുംക്രിയാത്മകവുമായ വിമര്ശനം ഊര്ജ്ജസ്വലമായ ഒരു ഭരണഘടനാ ജനാധിപത്യത്തിന്റെ സവിശേഷതയാണ്, അത് സ്ഥാപനപരമായ ഉത്തരവാദിത്വത്തിനും സ്വയം തിരുത്തലിനും പ്രയോജനപ്പെടും. എന്നാലും അത്തരം വിമര്ശനങ്ങള് ഉചിതമായ ഫോറത്തിലൂടെയും ന്യായമായതും യുക്തിസഹവുമായ ഒരു സംവിധാനത്തിലൂടെയും മാത്രമായിരിക്കണം. ഒരു സ്കൂള് പാഠ്യപദ്ധതി അതിന് ഉപാധിയാകരുതെന്ന് കോടതി നിരീക്ഷിച്ചു.
പത്ര റിപ്പോര്ട്ട് പ്രകാരം ഒരു അധ്യായത്തിലെ ഉപവിഷയമായി ‘ജുഡീഷ്യറിയിലെ അഴിമതി’യെക്കുറിച്ചുള്ള പരാമര്ശത്തിനെതിരെ കോടതി സ്വമേധയാ കേസെടുത്തിരുന്നു.
ജുഡീഷ്യറിക്കെതിരായ വിമര്ശനങ്ങള് ഉചിതമായ സംവിധാനത്തിലൂടെ മാത്രമേ പാടുള്ളൂ: സുപ്രീം കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.