തിരുവനന്തപുരം: സിപിഎം നേതാവ് എച്ച് സലാമിന്റെ ചരിത്രം മാധ്യമങ്ങള്‍ പരിശോധിക്കണമെന്ന് ജി സുധാകരന്‍ എംഎല്‍എ. 2021ലെ നിയമസഭാ തെരഞ്ഞെടുപ്പിനായി നടത്തിയ പണപ്പിരിവിന്റെ കണക്ക് പുറത്തുവിടണമെന്ന സലാമിന്റെ ആവശ്യത്തോടു പ്രതികരിക്കുകയായിരുന്നു സുധാകരന്‍. വിവരമില്ലാത്തവന്‍ പലതും വിളിച്ച് പറയും. തെരഞ്ഞെടുപ്പ് കമ്മീഷനും പാര്‍ട്ടിക്കും കണക്ക് കൊടുത്തതാണ്. അതില്‍ കൂടുതല്‍ എന്താണ് വേണ്ടത്?. അതൊന്നും വായിക്കാതെയാണോ ഓരോ കാര്യങ്ങള്‍ ഉന്നയിക്കുന്നത്. അയാള്‍ ആരാണ്. ആ പേരിനൊക്കെ എന്ത് പ്രസക്തിയാണ് കേരളത്തില്‍?. സുധാകരന്‍ ആരാഞ്ഞു.
അയാളുടെ കൈയില്‍ കണക്കുണ്ടാകും. കണക്ക് അയാള്‍ അവതരിപ്പിക്കട്ടെ. തന്നെ എന്തിനാണ് ബുദ്ധിമുട്ടിക്കുന്നതെന്നും ജി സുധാകരന്‍ ചോദിച്ചു.
തെരഞ്ഞെടുപ്പിനായി നടത്തിയ പണപ്പിരിവിന്റെ കണക്ക് സുധാകരന്‍ പുറത്തുവിടണമെന്നും ആ പണം ഉപയോഗിച്ച് ഭൂമി വാങ്ങിയോ എന്ന് വ്യക്തമാക്കണമെന്നുമായിരുന്നു സലാം ആവശ്യപ്പെട്ടത്.
വിവരമില്ലാത്തവന്‍; സലാമിന്റെ ചരിത്രം മാധ്യമങ്ങള്‍ അന്വേഷിക്കമെന്നും ജി സുധാകരന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
