ഗൃഹമിരിക്കുന്ന ഭൂമിയിൽ മറഞ്ഞിരുന്നുകൊണ്ട് ഉപദ്രവങ്ങൾ തരുന്ന ബാഹ്യ ശക്തിയെ വാസ്തുദോഷം എന്നു പൊതുവെ പറയാം . ഗൃഹം നിർമ്മിക്കുന്ന ഘട്ടത്തിൽ തിരഞ്ഞെടുക്കുന്ന ഭൂമി വാസ്തുദോഷമുള്ളതാണോ എന്ന് ശ്രദ്ധിക്കാറില്ല. അറിവില്ലായ്മ കാരണം പല ദുരനുഭവങ്ങളും തിരിച്ചടിയ്ക്കലും ജീവിതത്തിൽ വന്നു ചേരുമ്പോഴായിരിക്കും നാം പ്രശ്ന പരിഹാരം തേടുക.
വീട് പണിയാൻ തിരഞ്ഞെടുക്കുന്ന പുരയിടത്തിൽ അസ്ഥി ,ക്ഷുദ്രപ്രയോഗ വസ്തുക്കൾ കണ്ടെടുക്കുക, തുടങ്ങിയവ വാസ്തു ദോഷത്തിനു കാരണമാവാം . യഥാവിധി ഉത്തമനായ വാസ്തു വിദഗ്ധനെകൊണ്ട് പ്രതിവിധി ചെയ്ത ശേഷം ഗൃഹനിർമ്മാണം ആരംഭിക്കാവുന്നതാണ്. ശവം മറവു ചെയ്ത ഭാഗത്തെ മണ്ണ് മാറ്റി പുതുമണ്ണ് നിറയ്ക്കുന്നതും ഒരു പരിഹാരമാണ്. ക്ഷേത്രത്തിനോട് ചേർന്നുള്ള ഭൂമി തിരഞ്ഞെടുക്കുമ്പോളും ഇതുപോലെ ശ്രദ്ധിക്കണം
വീട് നിര്മ്മിക്കാന് തീരുമാനിച്ച സ്ഥലത്തെ ദീര്ഘ ചതുരാകൃതിയില് ആക്കണം. ആ ചതുരത്തില് പരമാവധി വലിയ ഒരു വൃത്തം വരച്ചാല് അതിനെ നാഗസൂത്രം എന്ന് വിളിക്കാം. ഈ നാഗസൂത്രത്തില് കിണര് , മറ്റു ശാലകള് ഒന്നും തന്നെ വരരുത്. അങ്ങനെ വന്നാല് അവിടെ ജീവിക്കുന്നവര്ക്ക് നാഗഭയം ഉണ്ടാകും.
വീട് പണിത ശേഷമാണ് വാസ്തുദോഷങ്ങൾ ശ്രദ്ധയിപ്പെടുന്നതെങ്കിൽ പുരയിടത്തിൽ നവധാന്യങ്ങൾ പാകി കിളിർപ്പിക്കുകയാണ് ഉത്തമ മാർഗ്ഗം. .കിളിർത്ത ധാന്യങ്ങൾ പശുവിനോ മറ്റോ കൊടുക്കുകയോ വേണം. നവധാന്യങ്ങൾ കിളിർത്തില്ലാ എങ്കിൽ വാസ്തുവിദഗ്ധന്റെ സഹായം തേടണം.വാസ്തുദോഷമുള്ള ഭൂമിയിലെ ഗൃഹത്തിൽ താമസിക്കുന്നത് കുടുംബത്തിലെ അംഗങ്ങളെ പ്രതികൂലമായി ബാധിക്കും .ഗൃഹവാസം ആരംഭിച്ച ഉടൻ ഉണ്ടാകുന്ന സാമ്പത്തിക നഷ്ടം, മരണം, കുടുംബകലഹം , രോഗാരിഷ്ടത തുടങ്ങിയവയ്ക്കൊക്കെ വാസ്തുദോഷം കാരണമാകാറുണ്ട്.ഇത്തരം ദോഷങ്ങൾ ശ്രദ്ധയിൽപെട്ടാൽ വാസ്തുവിദഗ്ധനുമായും ജ്യോതിഷനുമായും ആലോചിച്ച് പരിഹാരം തേടുന്നത് നന്നായിരിക്കും.
