ന്യൂഡല്ഹി ; ദേശീയ വനിതാ കമ്മീഷന് ശില്പശാലയില് പ്രതിഷേധവുമായി കേരളത്തില് നിന്നുള്ള യുഡിഎഫ് വനിതാ എംഎല്എമാര്.പ്രസംഗങ്ങള് പൂര്ണമായും നടന്നത് ഹിന്ദിയിലാണ്. ജയ്ശ്രീ രാം, ഭാരത് മാതാ കീ ജയ് തുടങ്ങിയവ മുഴക്കി കയ്യടിച്ചു എന്നീ ആരോപണങ്ങളാണ് കേരള നിയമസഭാ ഡപ്യൂട്ടി സ്പീക്കർ ഷാനിമോൾ ഉസ്മാൻ അടക്കം പറയുന്നത് .ഹിന്ദി അറിയില്ലെങ്കിൽ മലയാളി എംഎൽഎമാരെ പഠിപ്പിക്കാമെന്ന് ഉത്തർപ്രദേശ് എം എൽ എ പറഞ്ഞത് തങ്ങളോടുള്ള വെല്ലുവിളിയാണെന്നും വനിതാ എം എൽ എമാർ പറയുന്നു .
രാജ്യത്തെ എല്ലാ സംസ്ഥാനങ്ങളിൽനിന്നും കേന്ദ്ര ഭരണപ്രദേശങ്ങളിൽനിന്നുമായി 390 ലേറെ എംഎൽഎമാർ പങ്കെടുത്ത പരിപാടിയാണിത് . മറ്റൊരു സംസ്ഥാനത്തിലെ എം എൽ എ മാർക്കുമില്ലാത്ത ആരോപണങ്ങളാണ് മലയാളി എം എൽ എമാർക്കുള്ളത്.ഹിന്ദി രാഷ്ട്രഭാഷയാണെന്നും ഹിന്ദിയിൽതന്നെ ചർച്ചകൾ നടക്കുമെന്നും ഉത്തരേന്ത്യയിലെ എംഎൽഎമാർ വിളിച്ചു പറഞ്ഞുവെന്നും പിന്നീട് പരിശീലന ഹാളിൽ ജയ്ശ്രീ രാം, ഭാരത് മാതാ കീ ജയ് തുടങ്ങിയ മുദ്രാവാക്യങ്ങൾ ഉയർത്തിയെന്നുമാണ് ഷാനിമോൾ ഉസ്മാൻ പറയുന്നത് .
