മുംബൈ: കട്ടിംഗ് സൗത്തുകാരെ ഞെട്ടിപ്പിക്കുന്ന പ്രസ്താവന വന്നത് ഹിന്ദി സിനിമാതാരം കരീനാകപൂറിന്റെ നാവില് നിന്നാണ്. ദായ്റ എന്ന ഹിന്ദി സിനിമയുടെ പ്രൊമോഷന്റെ ഭാഗമായി നടന്ന ഒരു ഇന്റര്വ്യൂവിലാണ് കരീനാകപൂര് ഇക്കാര്യം പറഞ്ഞത്.
“സിനിമയില് നോര്ത്ത്, സൗത്ത്, ഈസ്റ്റ്, വെസ്റ്റ് എന്നിങ്ങനെയൊന്നുമില്ല. സിനിമയില് ഇത്തരം വേര്തിരിവുകള്ക്ക് ഒരു അര്ത്ഥവുമില്ല. അതിര്ത്തികളെല്ലാം ഇന്ന് മാഞ്ഞുപോയിരിക്കുന്നു.”- സേവ് ലക്ഷ്ദ്വീപ് തുടങ്ങി പല സമരങ്ങളിലും മുന്പന്തിയില് നിന്ന നടന് പൃഥ്വിരാജ് അടുത്തിരിക്കുമ്പോഴായിരുന്നു കരീനാകപൂറിന്റെ ഈ പ്രസ്താവന. പൃഥ്വിരാജ് ഒരു പുഞ്ചിരിയോടെ കേട്ടിരുന്നതല്ലാതെ എതിര്ത്തില്ല. എങ്ങിനെയൊക്കെ ഇന്ത്യയെ വെട്ടിമുറിക്കാനാകുമോ എന്ന രീതിയില് ചിന്തിക്കുകയാണ് പ്രതിപക്ഷരാഷ്ടീയപാര്ട്ടികളും എന്ജിഒകളും ജിഹാദികളും. നോര്ത്ത്, സൗത്ത്, ഈസ്റ്റ്, വെസ്റ്റ് എന്നതുപോലെ ജാതിയുടെ പേരിലും ലിംഗഭേദത്തിന്റെ പേരിലും എല്ലാം ജനങ്ങളെ വെട്ടിമുറിച്ചുകൊണ്ടിരിക്കുമ്പോഴാണ് സിനിമയില് ഭൂപ്രദേശത്തിന്റെ പേരിലുള്ള വേര്തിരിവിന് അര്ത്ഥമില്ലെന്ന് കരീനാകപൂര് പറഞ്ഞത്.
ദായ്റ എന്ന മേഘ്ന സംവിധാനം ചെയ്ത ഹിന്ദി സിനിമയില് പൊലീസ് വേഷത്തിലാണ് പൃഥ്വിരാജും കരീനാകപൂറും അഭിനയിക്കുന്നത്.
