ആലപ്പുഴ: തിരുവോണദിവസം രാത്രി ആലപ്പുഴ നഗരത്തിലെ സ്വകാര്യ ഹോട്ടലില് യുവാക്കളെ ക്രൂരമായി മര്ദിച്ച സംഭവത്തില് ആലപ്പുഴ പൊലീസ് കേസെടുത്തു.
തിരുവോണ രാത്രിയില് പുന്നമടയിലെ റമദാ ഹോട്ടലില് വച്ചാണ് ആക്രമണമുണ്ടായത്. ജിംനേഷ്യത്തില് വച്ചുണ്ടായ വാക്കുതര്ക്കമാണ് നാലംഗ സംഘത്തിന് നേരെ ആക്രമണം നടത്തിയതിന് കാരണം. ബിയര് കുപ്പി കൊണ്ട് തലയ്ക്കടിക്കുകയും ഇടിവള കൊണ്ട് ആക്രമിക്കുകയും നിലത്തിട്ട് ചവിട്ടുകയും ചെയ്തു. അതുല്,മെഹ്റാന്, ഹുസൈന്, ആസിഫ്, കാളിദാസ് എന്നിവരും കണ്ടാലറിയാവുന്ന മറ്റ് മൂന്ന് പേരുമാണ് പ്രതികള്.
അടി ഭയന്ന് കാറില് രക്ഷപ്പെടുന്ന യുവാക്കളെ എട്ടംഗ സംഘം പിന്തുടര്ന്ന് ആക്രമിക്കുന്നത് പുറത്ത് വന്ന ദൃശ്യങ്ങളിലുണ്ട്. പരിക്കേറ്റ യുവാക്കള് അന്ന് തന്നെ ആലപ്പുഴ ജനറല് ആശുപത്രിയില് ചികിത്സ തേടിയ ശേഷം പൊലീസില് പരാതിപ്പെട്ടിരുന്നു.എന്നാണ് രണ്ടു ദിവസം മുമ്പ് മത്രമാണ് കേസെടുത്തത്.
മര്ദ്ദനത്തിന്റെ തീവ്രത ദൃശ്യങ്ങള് കണ്ടപ്പോഴാണ് മനസിലായതെന്നാണ് പൊലീസ് പറയുന്നത്.ആയുധം കൊണ്ട് ആക്രമിച്ചത് ഉള്പ്പെടെ ജാമ്യമില്ലാത്ത വകുപ്പുകള് പ്രകാരമാണ് കേസെടുത്തത്. എന്നാല് പ്രതികളെയാരെയും അറസ്റ്റ് ചെയ്തിട്ടില്ല.
