ലക്നൗ : ബുർഖ ധരിച്ച് കാമുകനൊപ്പം പോയ യുവതിയെ കൈയ്യോടെ പിടികൂടി ഭർത്താവ് .ഉത്തർപ്രദേശിലെ ബറേലിയിലാണ് സംഭവം . ബഹേരി പോലീസ് സ്റ്റേഷൻ പരിധിയിൽ വച്ചാണ് ഭർത്താവ് ഇരുവരെയും പിടികൂടിയത് . ഇതിന്റെ വീഡിയോയും പുറത്ത് വന്നിട്ടുണ്ട് .
ഭാര്യ മറ്റൊരു യുവാവുമായി അടുപ്പമാണെന്ന് ഭർത്താവിന് വളരെക്കാലമായി സംശയമുണ്ടായിരുന്നു . അതുകൊണ്ട് തന്നെ ഭർത്താവ് യുവതിയെ നിരന്തരം നിരീക്ഷിക്കുന്നുണ്ടായിരുന്നു. കഴിഞ്ഞ ദിവസം ബുർഖ ധരിച്ച് പുറത്ത് പോയ ഭാര്യയെ ഇയാൾ അവരറിയാതെ പിന്തുടർന്നു . ഈ സമയത്ത്, ഒരു യുവാവിനൊപ്പം കാറിൽ ഭാര്യയെ അയാൾ കണ്ടു. തുടർന്ന് ഭർത്താവ് കാർ തടഞ്ഞു നിർത്തുകയായിരുന്നു.
ഭാര്യയെയും അവർക്കൊപ്പമുണ്ടായിരുന്ന യുവാവിനെയും ഭർത്താവ് മർദ്ദിക്കുകയും ചെയ്തു. വീഡിയോ സോഷ്യൽ മീഡിയയിൽ വൈറലായതോടെയാണ് വിഷയം പോലീസിന്റെ ശ്രദ്ധയിൽപ്പെട്ടത്. ഇരു കക്ഷികളിൽ നിന്നും ഇതുവരെ പരാതികളൊന്നും ലഭിച്ചിട്ടില്ലെന്ന് പോലീസ് പറഞ്ഞു. വൈറലായ വീഡിയോ പോലീസ് ശ്രദ്ധയിൽപ്പെടുത്തിയിട്ടുണ്ടെന്നും വിഷയം അന്വേഷിച്ചുവരികയാണെന്നും സിഒ അരുൺ കുമാർ സിംഗ് പറഞ്ഞു.
