മുംബൈ : ബുർഖ വിലക്കി മുംബൈയിലെ ബിഎംസി നടത്തുന്ന കൂപ്പർ ആശുപത്രി .ബുർഖ ധരിച്ചെത്തിയ മുസ്ലീം വനിതാ അഭിഭാഷക ജഹാൻ ആരയെണ് ആശുപത്രി അധികൃതർ വിലക്കിയത്. ബുർഖ ധരിച്ച് പ്രസവവാർഡിലേയ്ക്ക് പോകാനാണ് ജഹാൻ എത്തിയത് . എന്നാൽ ബുർഖ മാറ്റണമെന്ന് സുരക്ഷാ ഉദ്യോഗസ്ഥർ ആവശ്യപ്പെട്ടു. കുഞ്ഞുങ്ങളെ മോഷ്ടിക്കുന്ന സംഘങ്ങൾ ഉണ്ടെന്നും , ബുർഖ ധരിച്ച സ്ത്രീകളെ അകത്തേക്ക് കയറ്റാൻ പറ്റില്ലെന്നും സുരക്ഷാ ഉദ്യോഗസ്ഥർ പറഞ്ഞു. എന്നാൽ ഇതിനെ വർഗീയവത്ക്കരിച്ച് പ്രശ്നങ്ങൾ സൃഷ്ടിക്കുകയായിരുന്നു ജഹാൻ.
‘ ബുർഖ ധരിച്ച് അകത്തേക്ക് പോകാൻ പാടില്ല എന്ന് എന്നോട് പറഞ്ഞു. ഞാൻ ആരാണെന്ന് പറഞ്ഞ ശേഷവും എന്നെ തടഞ്ഞു, ബുർഖ ധരിച്ച് അകത്തേക്ക് പോകാൻ അനുവദിക്കില്ലെന്ന് പറഞ്ഞു. കാരണം ചോദിച്ചപ്പോൾ, ബുർഖ ധരിച്ച് അകത്ത് കയറിയാൽ കുട്ടികൾ മോഷ്ടിക്കപ്പെടുമെന്ന് അവർ പറഞ്ഞു.” ഞാൻ അവരോട് പറഞ്ഞു, “ബുർഖ ധരിച്ച് മാത്രമേ കുട്ടികളെ മോഷ്ടിക്കാറുള്ളൂ? ആശുപത്രികൾക്കുള്ളിലും സാരി ധരിച്ച് കുട്ടികളെ മോഷ്ടിച്ചിട്ടുണ്ട്.
ബുർഖയുടെ പ്രശ്നം എന്താണെന്ന് മാത്രമാണ് ഞാൻ പറയാൻ ആഗ്രഹിക്കുന്നത്? ബുർഖ എല്ലായിടത്തും ലക്ഷ്യമിടുന്നു. താടിയും തൊപ്പിയും എല്ലായിടത്തും ലക്ഷ്യമിടുന്നു. ബുർഖ ധരിച്ച സ്ത്രീയുടെയോ ബുർഖയുടെയോ കാര്യത്തിലാണ് പ്രശ്നം വന്നതെങ്കിൽ, അഡ്വക്കേറ്റ് ജഹാൻ ആര എപ്പോഴും നിങ്ങളോടൊപ്പം നിൽക്കും. ഇതിന് നിയമനടപടി സ്വീകരിക്കും“ എന്നാണ് ജഹാൻ പറയുന്നത്. എന്നാൽ ബുർഖ മാറ്റി വാർഡിലേയ്ക്ക് പോകാനുള്ള നിർദേശം ജഹാൻ പാലിച്ചില്ലെന്ന് ആശുപത്രി അധികൃതർ പറഞ്ഞു.
