തിരുവനന്തപുരം: കേരള സര്വകലാശാലയില് നടന്ന പരിപാടിയില് വന്ദേമാതരം പൂര്ണമായി ആലപിച്ചതിനെതിരെ എസ്എഫ്ഐയുടെ പ്രതിഷേധ മാര്ച്ചില് അക്രമം.എന്നാല് പൊലീസ് ആക്രമിച്ചെന്നാരോപിച്ച് എസ്എഫ്ഐ സംസ്ഥാന കമ്മിറ്റിയുടെ നേതൃത്വത്തില് ബുധനാഴ്ച സെക്രട്ടേറിയറ്റിലേക്ക് മാര്ച്ച് നടത്തും.
പൊലീസുമായുണ്ടായ അക്രമത്തിനിടെ എസ്എഫ്ഐ കേന്ദ്ര- സംസ്ഥാന കമ്മിറ്റി അംഗങ്ങളായ മൂന്ന് വനിതാ പ്രവര്ത്തകര്ക്ക് പരിക്കേറ്റു.നൂറോളം എസ്എഫ്ഐ പ്രവര്ത്തകരാണ് യൂണിവേഴ്സിറ്റി കോളേജില്നിന്ന് സര്വകലാശാല ആസ്ഥാനത്തേക്ക് പ്രതിഷേധ മാര്ച്ചുമായി എത്തിയത്. പ്രതിഷേധക്കാരെ നേരിടാന് പ്രധാന കവാടത്തില് പൊലീസ് ബാരിക്കേഡ് സ്ഥാപിച്ചു.ബാരിക്കേഡിന് മുകളില് കയറി മുദ്രാവാക്യം വിളിച്ച പ്രവര്ത്തകര്ക്ക് നേരെ പൊലീസ് ജലപീരങ്കി പ്രയോഗിച്ചു. തുടര്ന്ന് എസ്എഫ്ഐ പ്രവര്ത്തകരും പൊലീസും തമ്മില് വാക്ക് തര്ക്കമുണ്ടായി.
ദേശീയ കായിക ദിനത്തില് കേരള സര്വകലാശാല ആസ്ഥാനത്ത് നടന്ന മന്ത്രിമാരും ഗവര്ണറും പങ്കെടുത്ത പരിപാടിയില് വന്ദേമാതരം പൂര്ണമായി ആലപിച്ചതിലാണ് എസ്എഫ്ഐയുടെ പ്രതിഷേധം.പൂര്ണമായും പാടുമ്പോള് വന്ദേമാതരത്തില് ഹൈന്ദവ ദേവതകളുടെ പേരുകള് പരാമര്ശിക്കുന്നതാണ് എസ് എഫ് ഐയെയും സി പി എമ്മിനെയും പ്രകോപിപ്പിക്കുന്നത്.
