ബ്യൂണസ് ഐറിസ്:അര്ജന്റീന ഇതിഹാസ ഫുട്ബോള് താരം ലയണല് മെസി അന്താരാഷ്ട്ര ഫുട്ബാളില് നിന്നും വിരമിക്കല് പ്രഖ്യാപിച്ചു. ഇന്സ്റ്റഗ്രാമിലൂടെയാണ് താന് ഇനി അര്ജന്റീന ടീമിന് വേണ്ടി കളിക്കില്ലെന്ന് മെസി അറിയിച്ചത്.
ആത്മാവിനെ വേദനിപ്പിച്ച തീരുമാനമാണ് ഇതെന്നും എന്നാല് ഇതാണ് ശരിയായ സമയമെന്ന് മനസിലാക്കുന്നെന്നും മെസി കുറിച്ചു.ഫിഫ ലോകകപ്പ് ഫൈനലിന് രണ്ട് ദിവസത്തിന് ശേഷം, ജൂലായ് 21നാണ് താന് ഈ കുറിപ്പെഴുതിയത്. പിതാവിന്റെ മരണത്തിന് പിന്നാലെ വിരമിക്കല് തീരുമാനം ഉറപ്പിച്ചെന്നും മെസി കുറിച്ചു.വൈകാരിക കുറിപ്പാണ് മെസി പങ്കുവച്ചത്.
മെസിയുടെ കുറിപ്പ്
ആത്മാവിനെ ഒരുപാട് വേദനിപ്പിച്ച, ഇപ്പോഴും അങ്ങനെയുളള തീരുമാനമാണ് ഇത്. എന്നാല് ഇതാണ് അതിനുള്ള ശരിയായ സമയമെന്ന് മനസിലാക്കുന്നു. കഴിഞ്ഞ ഏതാനും വര്ഷങ്ങള്ക്കുള്ളില് എല്ലാം നേടിയപ്പോള് മാത്രമല്ല, അതിന് മുന്പും എന്റെ എല്ലാം ടീമിനായി സമര്പ്പിച്ചിട്ടുണ്ടെന്ന് ഞാന് സത്യം ചെയ്യുന്നു.
ഈ ജഴ്സിക്കായി ഞാന് എപ്പോഴും പോരാടി. എന്റെ എല്ലാം നല്കുകയും ചെയ്തു.നിങ്ങള്ക്ക് സന്തോഷം നല്കാനും ഫുട്ബോളിലൂടെ നിങ്ങളെല്ലാവരും അര്ജന്റീനക്കാരാണെന്ന് ഓര്ത്ത് അഭിമാനിക്കാന് ഇടയാക്കാനും വേണ്ടിയായിരുന്നു അത്.
ഇനി ഏറെ സമയമില്ല. ഓരോ ഘട്ടങ്ങളും അവസാനിക്കുകയാണ്. ഏറെ വേദനിപ്പിക്കുന്ന ഒന്നാണ് ഈ വേര്പിരിയല്. ദേശീയ ടീമിന്റെ ഭാഗമാകാന് ഞാന് എപ്പോഴും ഇഷ്ടപ്പെടുന്നു, ഇഷ്ടപ്പെട്ടിരുന്നു, ഇനിയും എപ്പോഴും ഇഷ്ടപ്പെടും.എന്നെത്തന്നെ പൂര്ണമായും സമര്പ്പിച്ചു ഇനി എനിക്ക് നല്കാന് മറ്റൊന്നും ബാക്കിയില്ല. ഇതിന് തികച്ചും അര്ഹരായ ഒട്ടനവധി മികച്ച യുവതാരങ്ങള് നമുക്ക് പിന്നാലെ വരുന്നുണ്ട്.
കഴിഞ്ഞ 20 വര്ഷമായി നിങ്ങള് നല്കിയ എല്ലാ സ്നേഹത്തിനും നന്ദി. കളിക്കളത്തിനുളളില് നിന്ന് നിങ്ങളുടെ ആര്പ്പുവിളികള് കേള്ക്കുന്നത് എനിക്ക് ഒരുപാട് മിസ്സ് ചെയ്യും. ഇനി മുതല് ഞാന് നിങ്ങളില് ഒരാളാണ്. നല്ല സമയങ്ങളിലും മോശം സമയങ്ങളിലും എപ്പോഴും ,പുറത്തുനിന്ന് ടീമിനെ പിന്തുണയ്ക്കുകയും പ്രോത്സാഹിപ്പിക്കുകയും ചെയ്യും .
