കൊച്ചി: ഓണത്തിന് നിവിന്‍ പോളി നായകനായി എത്തിയ ബ്ലോക് ബസ്റ്റര്‍ ചിത്രം ‘ബെത്ലഹേം കുടുംബ യൂണിറ്റ്’ കണ്ട ആരും തന്നെ മറക്കാത്തൊരു പേരാണ് ‘സോൾ മേറ്റ്സ്‌: ഒരു സാത്തുക്കുടി പ്രണയം’. നിവിന്‍ പോളി അവതരിപ്പിച്ച ജസ്റ്റിന്‍ എന്ന കഥാപാത്രത്തിന്റെ അനുജന്‍ ജോയലിന്റെ(സംഗീത് പ്രതാപ്) ഷോർട്ട് ഫിലിമിന്റെ പേരാണിത്.
ഡിപ്രെഷന് മരുന്ന് കഴിക്കുന്ന നായികയുടെ ഹൃദയഹാരിയായ കഥ എന്നാണ് സോള്‍ മേറ്റ്സിനെ കുറിച്ച് ജോയല്‍ പറയുന്നത്. ആ ഷോര്‍ട് ഫിലിം ഇനി പ്രേക്ഷകര്‍ക്ക് കാണാനാവും.
‘സോൾ മേറ്റ്സ്‌: ഒരു സാത്തുക്കുടി പ്രണയം’ എന്ന ഷോർട്ട് ഫിലിം റിലീസ് ചെയ്യും. നിര്‍മാതാക്കളായ ഭാവനാ സ്റ്റുഡിയോസിന്റെ യുട്യൂബ് ചാനല്‍ വഴി ചിത്രം കാണാം. ബെത്ലഹേം കുടുംബ യൂണിറ്റിലെ കഥാപാത്രങ്ങളെ തന്നെയാണ് ക്രൂ മെമ്പേഴ്സ് ആയി പരിചയപ്പെടുത്തിയിരിക്കുന്നത്.
രചനയും ആശയവും: ജോയൽ ഡേവിസ്(സംഗീത് പ്രതാപ്), നിർമാണം: ജസ്റ്റിൻ ഡേവിസ്(നിവിന്‍ പോളി). നന്ദൻ വെങ്കിടങ്ങ്, സായൂജ്യ, അഭിജിത്ത്, ജസ്റ്റിൻ, ആകാശ് ജോസഫ്, ഗ്ലിക്സൺ, ഷെൽവിൻ, റിയ, ജോയൽ എന്നിവരാണ് അഭിനേതാക്കള്‍(കഥാപാത്ര പേരുകള്‍).
