ന്യൂഡൽഹി ; ആർഎസ്എസിനെ മനസ്സിലാക്കാൻ ന്യൂയോർക്ക് മേയർ സൊഹ്റാൻ മംദാനി ഇനിയും പതിനായിരം ജന്മങ്ങൾ എടുക്കേണ്ടി വരുമെന്ന് ബിജെപി നേതാവ് രാം ഖദം . മാഡിസൺ സ്ക്വയർ ഗാർഡൻ പരിപാടിയുമായി ബന്ധപ്പെട്ട് മംദാനി നടത്തിയ പ്രസ്താവനയെ വിമർശിച്ചാണ് രാം ഖദം രംഗത്തെത്തിയത് . ഇന്ത്യൻ വംശജനാണെങ്കിലും മംദാനിയുടെ നിലപാട് ഹിന്ദു വിരുദ്ധമാണെന്നും രാം ഖദം പറഞ്ഞു.
തുറന്ന സംവാദത്തിന്റെ ആവേശത്തിലാണ് ഈ പരിപാടി സംഘടിപ്പിക്കുന്നതെന്നും സംഘത്തെ മനസ്സിലാക്കാൻ ആർക്കും പങ്കെടുക്കാമെന്നും ആർഎസ്എസിന്റെ ദേശീയ മാധ്യമ, പബ്ലിസിറ്റി മേധാവി സുനില് അംബേക്കര് പറഞ്ഞു. ലോകമെമ്പാടുമുള്ള വിവിധ സമൂഹങ്ങളുമായി സംഘടന ബന്ധപ്പെട്ടിരിക്കുന്നതിന്റെ ദീർഘകാല പാരമ്പര്യത്തെയാണിതെന്ന് കാണിക്കുന്നതെന്നും അദ്ദേഹം പറഞ്ഞു.
