ആംസ്റ്റെന്ല്വീന്: വനിതാ ഹോക്കി ലോകകപ്പില് ഭാരതത്തിന് അഞ്ചാം സ്ഥാനം. 1974ന് ശേഷം ആദ്യമായാണ് ഭാരതം ഇത്രയും മികച്ച നേട്ടം കൈവരിച്ചിരിക്കുന്നത്.
വനിതാ ഹോക്കി ലോകകപ്പിന്റെ ഉദ്ഘാടന പതിപ്പായി നടന്ന അന്ന് നാലാം സ്ഥാനത്ത് ഫിനിഷ് ചെയ്തതാണ് ഏറ്റവും വലിയ നേട്ടം. ഇന്നലെ നടന്ന ഇത്തവണത്തെ അഞ്ചാം സ്ഥാനക്കാര്ക്കായുള്ള പോരാട്ടത്തില് ജര്മനിയെ 3-1ന് തോല്പ്പിച്ചു.
മത്സരത്തിന്റെ ആദ്യ രണ്ട് ക്വാര്ട്ടറുകളും ഗോള്രഹിതമായി പിരിഞ്ഞു. ആദ്യ പകുതിക്ക് ശേഷം ഇറങ്ങിയ മൂന്നാം ക്വാര്ട്ടറില് ഭാരതം വനിതകള് മൂന്ന് ഗോളുകളുമായി കുതിച്ചു.
43-ാം മിനിറ്റില് ഇഷിക ചൗധരി ആദ്യ ഗോള് നേടി. തൊട്ടടുത്ത മിനിറ്റില് പെനാല്റ്റി കോര്ണറില് നിന്ന് നവ്നീത് ഭാരത ലീഡ് 2-0 ആയി ഉയര്ത്തി. മൂന്ന് മിനിറ്റ് കഴിഞ്ഞില്ല ജര്മന് വലയില് ഭാരതം വീണ്ടും പന്തടിച്ചു കയറ്റി. നവനീത് ഇരട്ട ഗോള് നേടിക്കൊണ്ട് ലീഡ് 3-0 ആയി ഉയര്ത്തി. നാലാം ക്വാര്ട്ടറിന്റെ അവസാനം മത്സരം അവസാനിക്കുന്നതിന് തൊട്ടു മുമ്പ് 59-ാം മിനിറ്റില് ലിന് ക്രിങ്സിലൂടെ ജര്മനി മത്സരത്തിലെ ഏക ഗോള് മടക്കി.
