പത്തനംതിട്ട: അയ്യപ്പനെ അധിക്ഷേപിച്ച സണ്ണി കപിക്കാട് മാപ്പ് പറയണമെന്ന് പന്തളം കൊട്ടാരം ആവശ്യപ്പെട്ടു. തിരുവിതാംകൂര് ദേവസ്വം ബോര്ഡും സര്ക്കാരും ഈ വിഷയത്തില് അടിയന്തരമായി ഇടപെട്ട് നിയമ നടപടി സ്വീകരിക്കണമെന്നും കൊട്ടാരം ആവശ്യപ്പെട്ടു.
കപിക്കാടിനെതിരെ പത്തനംതിട്ട ജില്ലാ പൊലീസ് മേധാവിക്ക് തിരുവാഭരണ പാത സംരക്ഷണ സമിതി പരാതി നല്കി. മലയാളം സര്വകലാശാലയിലെ പ്രതിഷേധ സമരത്തിനിടെയാണ് കപിക്കാട് ശബരിമല അയ്യപ്പനെയും മാളികപ്പുറത്തമ്മയെയും അധിക്ഷേപിക്കുന്ന പരാമര്ശങ്ങള് നടത്തിയത്.
