ന്യൂദല്ഹി: 2020 ലെ ദല്ഹി കലാപവുമായി ബന്ധപ്പെട്ട ഗൂഢാലോചന കേസില് ഉമര് ഖാലിദും ഷര്ജീല് ഇമാമും സമര്പ്പിച്ച പുതിയ ജാമ്യാപേക്ഷകള് നിയമവിരുദ്ധവും കോടതിയെ തെറ്റിദ്ധരിപ്പിക്കാനുള്ള ശ്രമവുമാണെന്നും പ്രോസിക്യൂഷനും പോലീസും ദല്ഹി ഹൈക്കോടതിയെ ധരിപ്പിച്ചു.
സുപ്രീം കോടതിയുടെ ചില വിധികള് തെറ്റായി വ്യാഖ്യാനിച്ച് കോടതിയെ തെറ്റിദ്ധരിപ്പിക്കാന് ശ്രമിക്കുകയാണെന്ന് പോലീസ് പറഞ്ഞു.
ഇരുവരും മൂന്നാം വട്ടമാണ് ജാമ്യാപേക്ഷ സമര്പ്പിക്കുന്നത്. നേരത്തെ രണ്ട് തവണ സമര്പ്പിച്ച ജാമ്യാപേക്ഷകളും സുപ്രീം കോടതി വരെ തള്ളിയിരുന്നു. സുപ്രീം കോടതി ജനുവരിയില് അഞ്ച് പേര്ക്ക് ജാമ്യം അനുവദിച്ചെങ്കിലും ഉമര് ഖാലിദിനും ഷര്ജീല് ഇമാമിനും ജാമ്യം നിഷേധിക്കുകയാണുണ്ടായത്. തുടര്ന്നാണ് അവര് പുതുക്കിയ ജാമ്യാപേക്ഷ സമര്പ്പിച്ചത്.
