ബംഗളൂരു: നിയമം ഒരാളോട് സംസാരിക്കാന് കല്പ്പിച്ചിട്ടുണ്ടെങ്കില് മാത്രമേ ക്രിമിനല് നിയമത്തിന് അയാളുടെ നിശബ്ദതയെ ശിക്ഷിക്കാന് കഴിയൂ. ഒരു ധാര്മ്മിക പ്രതീക്ഷയെ ശിക്ഷാ ബാധ്യതയാക്കി മാറ്റാന് കഴിയല്ലെന്ന്’ കര്ണാടക ഹൈക്കോടതി. ഹോംസ്റ്റേയില് താമസിച്ചിരുന്ന യുഎസ് ടൂറിസ്റ്റിനെ ബലാത്സംഗം ചെയ്ത സംഭവം റിപ്പോര്ട്ട് ചെയ്യാതിരുന്ന കൂര്ഗ് ഹോംസ്റ്റേ ഉടമയ്ക്കെതിരായ ക്രിമിനല് നടപടികള് റദ്ദാക്കിക്കൊണ്ടാണ് കോടതി ഇക്കാര്യം വ്യക്തമാക്കിയത്്.
2012 ലെ പോക്സോ നിയമത്തില് കുട്ടികളെ ലൈംഗികമായി പീഡിപ്പിക്കുന്ന കുറ്റകൃത്യങ്ങള് ബന്ധപ്പെട്ടവര് റിപ്പോര്ട്ട് ചെയ്യുന്നത് നിര്ബന്ധമാക്കുന്നുണ്ട്. മറ്റു ചില കുറ്റകൃത്യങ്ങള് റിപ്പോര്ട്ട് ചെയ്യേണ്ടത് ബന്ധപ്പെട്ടവരുടെ കടമയാണെന്ന് ബിഎന്എസിന്റെ സെക്ഷന് 33 നും വ്യക്തമാക്കുന്നു. എന്നാല് ആ കുറ്റകൃത്യങ്ങളില് സാധാരണ ലൈംഗിക കുറ്റകൃത്യങ്ങള് ഉള്പ്പെടുന്നില്ല.
ഈ കേസിലെ ഹോംസ്റ്റേ ഉടമയെപ്പോലെ ഒരു സ്വകാര്യ പൗരനും ബലാത്സംഗ സംഭവം റിപ്പോര്ട്ട് ചെയ്യാന് നിയമപരമായ ബാധ്യതയില്ലെന്ന് കോടതി പറഞ്ഞു. ഹോംസ്റ്റേ ഉടമ ഒരു ധാര്മ്മിക ബാധ്യതയുടെ പേരില് സംഭവം റിപ്പോര്ട്ട് ചെയ്യുമെന്ന് പ്രതീക്ഷിക്കുന്നുണ്ടെങ്കിലും, അത്തരം ധാര്മ്മിക പ്രതീക്ഷകള് ഒരു ക്രിമിനല് കേസിന് അടിസ്ഥാനമാകാന് കഴിയില്ല. കോടതി വ്യക്തമാക്കി.
