തിരുവനന്തപുരം: വി.ഡി. സതീശന് സര്ക്കാര് ഭരണത്തിലേറി നൂറുദിവസം പിന്നിടുമ്പോള് വാഗ്ദാനങ്ങള് വെറും വാചകക്കസര്ത്തുകളില് ഒതുങ്ങി. വിലക്കയറ്റം പിടിച്ചു നിര്ത്തുമെന്ന് മുഖ്യമന്ത്രി നിയമസഭയില് നടത്തിയ വാചകക്കസര്ത്ത് കമ്പോളത്തില് അനുഭവപ്പെട്ടില്ല. വില കുത്തനെ ഉയരുകയാണ് ഉണ്ടായത്. എന്ത് ചോദിച്ചാലും മുഖ്യമന്ത്രി പറയുന്നത് ഭരണം തുടങ്ങിയല്ലേ ഉള്ളൂ, കാത്തിരുന്ന് കാണാമെന്നാണ്.
പിണറായി സര്ക്കാരിന്റെ ഭരണത്തില് പത്ത് വര്ഷം അനുഭവിച്ചതെന്തോ അതെല്ലാം മാറ്റമില്ലാതെ തുടരുന്നു. ആയിരക്കണക്കിന് ഉദ്യോഗാര്ത്ഥികളുടെ ഭാവി പന്താടിയ പിഎസ്സിയുടെ നിയമന തട്ടിപ്പിനെ സംബന്ധിച്ച അന്വേഷണം എങ്ങുമെത്താതെ സിപിഎമ്മുമായി അഡ്ജ്സ്റ്റ്മെന്റിലായി. ശബരിമല സ്വര്ണക്കൊള്ള ഉള്പ്പെടെയുള്ള അഴിമതി ആരോപണങ്ങളില് സിപിഎമ്മിനും പിണറായി സര്ക്കാരിനുമെതിരെ ചെറുവിരല് അനക്കിയിട്ടില്ല. മെസ്സി അഴിമതി അന്വേഷണം സിബിഐക്ക് കൈമാറാതെ വിജിലന്സിന് നല്കിയതും എല്ഡിഎഫിന്റെ അഴിമതിയോട് സമരസപ്പെട്ടുപോകുന്നതിന്റെ സൂചനയാണ്.
പിഎസ്സി നിയമനം നടത്താത്തതിനെതിരെ സമരം ചെയ്തിരുന്ന എല്പിഎസ്ടി റാങ്ക് ലിസ്റ്റിലെ ഉദ്യോഗാര്ത്ഥികളോട് സര്ക്കാര് കാണിച്ചത് വലിയ ദ്രോഹം.
പ്രതിപക്ഷത്തായിരുന്നപ്പോള് സമരം നടത്തുന്നവരോട് ചര്ച്ചയും സമവായവും വേണമെന്ന് വാദിച്ചവര് എല്പിഎസ്ടിക്കാരെ തിരിഞ്ഞുനോക്കാന് തയാറായില്ല. ഒടുവില് സമരം രൂക്ഷമായതോടെ 45 ദിവസം കഴിഞ്ഞ് പഠിച്ചിട്ട് തീരുമാനിക്കാം എന്ന അഴകൊഴമ്പന് നടപടിയുമായാണ് സര്ക്കാര് മുന്നോട്ടുവന്നത്.
