ശ്രീനഗര്: ഔദ്യോഗിക വാഹനത്തില് അനധികൃതമായി ചുവന്ന ബീക്കണ്ലൈറ്റും മള്ട്ടിപ്പിള് ടോണ് സൈറണും വച്ച് വിലസി നടന്ന തഹസില്ദാര്ക്ക് കാരണം കാണിക്കല് നോട്ടീസയച്ച് കോടതി. പരിശോധന നടത്തി അത് ഉടന് തന്നെ പിടിച്ചെടുക്കുകയോ നീക്കം ചെയ്യുകയോ വേണമെന്ന് പൊതുപ്രവര്ത്തകനായ മുസാഫര് അഹമ്മദ് സമര്പ്പിച്ച ഹര്ജിയില് സ്പെഷ്യല് മൊബൈല് മജിസ്ട്രേറ്റ് (ട്രാഫിക്) കോടതി ഉത്തരവായി.
കാശ്മീരിലെ ഒരു തഹസില്ദാറായ താരിഖ് അഹമ്മദ് ഷെയ്ക്ക് ആണ് ഔദ്യോഗിക വാഹനത്തില് ബീക്കണ് ലൈറ്റ് ഘടിപ്പിച്ചത്. ഇക്കാര്യത്തില് ഹര്ജിയിലെ ആരോപണം ഉറപ്പാക്കാന് കോടതി ട്രാഫിക് റൂറല് എസ്എസ്പിക്ക് നിര്ദ്ദേശം നല്കി. ഘടിപ്പിച്ചിട്ടുണ്ടെങ്കില് ഉടന് അത് പിടിച്ചെടുക്കുകയോ നീക്കം ചെയ്യുകയോ വേണമെന്നും 1988 ലെ മോട്ടോര് വെഹിക്കിള്സ് ആക്ട്, 1989 ലെ സെന്ട്രല് മോട്ടോര് വെഹിക്കിള്സ് റൂള്സ്, മറ്റ് പ്രസക്തമായ നിയമങ്ങള് എന്നിവ പ്രകാരം നടപടിയെടുക്കണമെന്നും കോടതി നിര്ദ്ദേശിച്ചു.
വി ഐ പി സംസ്കാരം നിയന്ത്രിക്കുന്നതു സംബന്ധിച്ച സുപ്രീം കോടതിയുടെ മുന് ഉത്തരവിന്റെ ചുവടു പിടിച്ചാണ് കാശ്മീര് കോടതിയുടെ ഉത്തരവ്.
തഹസില്ദാര്ക്ക് ഔദ്യോഗിക വാഹനത്തില് ചുവന്ന ബീക്കണ്ലൈറ്റ് വയ്ക്കാമോ? കോടതി പറഞ്ഞത് ഇതാണ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.