കൊല്ലം: ഓണത്തിരക്ക് ഏറിയതുപ്രമാണിച്ച് വീണ്ടും സ്‌പെഷ്യല്‍ ട്രെയിന്‍ പ്രഖ്യാപിച്ച് റെയില്‍വെ. ചൊവ്വാഴ്ച രാവിലെ 8 മണിക്ക് പുറപ്പെടുന്ന ട്രെയിന്‍ വൈകുന്നേരം 6.45ന് കൊല്ലത്ത് എത്തിച്ചേരും.
ട്രെയിന്‍ നമ്പര്‍ 06052 രാവിലെ 8 മണിക്ക് യാത്ര തിരിക്കുന്നത്. ട്രെയിന്‍ നമ്പര്‍ 06051 ന്റെ മടക്കയാത്ര കൊല്ലത്ത് നിന്ന് അന്നേ ദിവസം തന്നെ രാത്രി 9 മണിക്കാണ്. പിറ്റേന്ന് രാവിലെ 9.30ന് മംഗളൂരുവില്‍ എത്തിച്ചേരും. സെക്കന്‍ഡ് എസി-1, തേഡ് എസി-3, സ്ലീപ്പര്‍-10, ജനറല്‍-4 ഇങ്ങനെയാണ് കോച്ചുകള്‍.
കാസര്‍കോട്, കാഞ്ഞങ്ങാട്, നീലേശ്വരം, പയ്യന്നൂര്‍, കണ്ണൂര്‍, തലശേരി, വടകര, കോഴിക്കോട്, തിരൂര്‍, ഷൊര്‍ണൂര്‍, തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവിടങ്ങളിലാണ് ഈ ട്രെയിനുകള്‍ക്ക് സ്‌റ്റോപ്പുകളുള്ളത്.
യാത്രാതിരക്ക് കുറയ്‌ക്കാന്‍ എല്ലാ വര്‍ഷങ്ങളിലും ഇന്ത്യന്‍ റെയില്‍വേകൂടുതല്‍ സര്‍വീസുകള്‍ പ്രഖ്യാപിക്കാറുണ്ട്. ഈ വര്‍ഷവും ഒട്ടനവധി സര്‍വീസുകളാണ് യാത്രക്കാര്‍ക്കായി ഒരുക്കിയിരിക്കുന്നത്.
