കൊല്ലം: കിടപ്പറ ദൃശ്യങ്ങള് പകര്ത്തി അശ്ലീല സൈറ്റുകള്ക്കു വിറ്റെന്നും നാല് വയസുകാരി മകളുടെ മുന്നില് വച്ച് ലൈംഗികവൈകൃതം കാട്ടിയെന്നുമുളള യുവതിയുടെ പരാതിയില് ഭര്ത്താവിനെതിരെ പോക്സോ വകുപ്പും ചുമത്തി. കൊട്ടിയം പൊലീസിലാണ് യുവതി പരാതി നല്കിയത്.
കൗണ്സിലിംഗിനിടെ കുട്ടി പിതാവിനെതിരെ മൊഴി നല്കിയിരുന്നു.പിന്നാലെ ഭര്ത്താവിനെതിരെ പോക്സോ വകുപ്പ് ചുമത്തി.ഭര്ത്താവ് കുഞ്ഞിന് മുന്നില്വച്ച് ലൈംഗിക വൈകൃതം കാണിച്ചതിന് തെളിവുകള് ഉള്പ്പെടെ പരാതി നല്കിയിട്ടും പൊലീസ് പോക്സോ കേസെടുത്തില്ലെന്ന് യുവതി ആരോപിച്ചിരുന്നു.ഭര്ത്താവിനെതിരെ കൂടുതല് വകുപ്പുകള് ചുമത്തണമെന്ന് ആവശ്യപ്പെട്ട് യുവതി ഹൈക്കോടതിയെ സമീപിച്ചു.
കേസെടുത്തതിന് പിന്നാലെ ഒളിവില് പോയ പ്രതിയെ ഇതുവരെ കണ്ടെത്താന് കഴിഞ്ഞിട്ടില്ല. വിദേശത്ത് ഒരുമിച്ചു താമസിച്ചപ്പോള് ഭര്ത്താവ് സ്വകാര്യ ദൃശ്യങ്ങള് അശ്ലീല വെബ്സൈറ്റുകള്ക്ക് വിറ്റുവെന്നും ഇത് ചോദ്യം ചെയ്തപ്പോള് ക്രൂരമായി മര്ദിച്ചെന്നും ആണ് യുവതിയുടെ പരാതി.
വര്ഷങ്ങളായി ബ്രിട്ടനിലായിരുന്ന ദമ്പതികള് കഴിഞ്ഞ 14നാണ് നാട്ടിലെത്തിയത്. യുകെയില് വച്ചാണ് സ്വകാര്യ ദൃശ്യങ്ങള് അവിടത്തെ അശ്ലീല വെബ് സൈറ്റുകള്ക്കു ഭര്ത്താവ് വിറ്റതെന്ന് യുവതി പറഞ്ഞു. മറ്റു പുരുഷന്മാരുമായി കിടക്ക പങ്കിടാന് നിര്ബന്ധിക്കുകയും ചെയ്തു. വിസമ്മതിച്ചപ്പോള് മര്ദ്ദിച്ചു. സഹികെട്ടു സുഹൃത്തിന്റെ വീട്ടിലേക്കു താമസം മാറ്റി.
നാട്ടിലെത്തിയ ശേഷം ഭര്ത്താവിനെ കൗണ്സലിംഗിന് വിധേയമാക്കിയെങ്കിലും പിന്നീടും മര്ദനമേല്ക്കേണ്ടി വന്നുവെന്നു യുവതി മൊഴി നല്കി.
10 വര്ഷം പ്രണയിച്ച ശേഷമാണ് ഇരുവരും വിവാഹിതരായത്. ഭര്ത്താവ് അശ്ലീല വിഡീയോകള്ക്ക് അടിമയാണെന്ന് യുവതി പറയുന്നു. നിരന്തരം കിടപ്പറ ദൃശ്യങ്ങള് പകര്ത്തി. കുളിമുറിയില് ഒളികാമറ വയ്ക്കുമായിരുന്നെന്നും യുവതി മൊഴി നല്കി.
കൗണ്സിലിംഗ് നടത്തിയാല് മാറ്റം ഉണ്ടാകുമെന്ന് കരുതിയാണ് ഭര്ത്താവുമായി യുവതി നാട്ടിലെത്തിയത്.
