കോഴിക്കോട്: ഗതാഗതക്കുരുക്ക് രൂക്ഷമായതോടെ താമരശേരി ചുരത്തില്‍ ട്രാഫിക് പൊലീസ് കര്‍ശന നിയന്ത്രണം ഏര്‍പ്പെടുത്തി.ചുരത്തില്‍ ഒരിടത്തും വാഹന പാര്‍ക്കിംഗ് അനുവദിക്കില്ല.ചുരം റോഡില്‍ കൂട്ടം കൂടാനും അനുവാദമില്ല.
ഗതാഗതം തടസപ്പെടുത്തുന്ന വാഹനങ്ങള്‍ക്കെതിരെയും നടപടി സ്വീകരിക്കുമെന്ന് ട്രാഫിക് പൊലീസ് അറിയിച്ചു.ചുരത്തില്‍ കൂടുതല്‍ പൊലീസിനെ വിന്യസിച്ചിട്ടുണ്ട്. ഞായറാഴ്ച മുതല്‍ ഈ മാസം 28 വരെയാണ് നിയന്ത്രണം.
ശനിയാഴ്ച രാത്രി ആരംഭിച്ച ഗതാഗതക്കുരുക്ക് ഇന്നും തുടര്‍ന്നതിനാലാണ് നടപടി. റോഡ് നവീകരണവും ഒന്‍പതാം വളവിന് താഴെ മരക്കൊമ്പ് ഒടിഞ്ഞു വീണതുമാണ് ഗതാഗത കുരുക്കിന് കാരണം. അവധി ദിവസമായതിനാല്‍ വിനോദസഞ്ചാരികളുടെ എണ്ണവും കൂടി.
