തിരുവനന്തപുരം: ആഗസ്റ്റ് 23 ഞായറാഴ്ചയും ഉത്രാടവും നബിദിനവുമായ 25നും (ചൊവ്വാഴ്ച) റേഷന് കടകള് പ്രവൃത്തിക്കും. പകരം ആഗസ്റ്റ് 27, സെപ്തംബര് 2 തീയതികളില് അവധിയായിരിക്കും.ഓണം ഫെയറുകളും സപ്ലൈകോയും ഞായറാഴ്ച തുറക്കും.
നബിദിനം പ്രമാണിച്ച് ആഗസ്റ്റ് 25 ന് നിയന്ത്രിത അവധി ആയിരിക്കുമെന്ന് പൊതുവിതരണ ഉപഭോക്തൃകാര്യ കമ്മീഷണര് അറിയിച്ചു.
അതേസമയം, സംസ്ഥാന ഭക്ഷ്യ വകുപ്പിന്റെ സൗജന്യ ഓണക്കിറ്റ് വിതരണം നൂറ് ശതമാനം പൂര്ത്തിയായെന്ന് മന്ത്രി അനൂപ് ജേക്കബ് അറിയിച്ചു.ലക്ഷ്യമിട്ട 5,93,408 കിറ്റുകളാണ് സപ്ലൈകോ വഴി തയാറാക്കി റേഷന് കടകളില് എത്തിച്ചത്. ഇതിനു പുറമേ ക്ഷേമ സ്ഥാപനങ്ങള്ക്കായി 8,902 സൗജന്യ കിറ്റുകള് കൂടി നല്കി. 6,02310 കിറ്റുകളാണ് ടിഎസ്ഒ കളില് നിന്നുള്ള ഡിമാന്റ്. ഇതുവരെ 4,30,254 റേഷന് കാര്ഡ് ഉടമകള് ഓണക്കിറ്റ് കൈപ്പറ്റി. നിലവില് 1,59,582 കിറ്റുകള് റേഷന് കടകളില് സ്റ്റോക്കുണ്ടെന്നും മന്ത്രി അറിയിച്ചു.
