കൊച്ചി:മലയാള സിനിമയില്, “ഞാൻ ഹിന്ദുവാണ്” എന്ന കാര്യം നടീനടന്മാര് പരമാവദി ഒളിച്ചുവെയ്ക്കാന് ശ്രമിക്കുമ്പോള് തന്റെ വിശ്വാസം പരസ്യമാക്കി നടി നമിത പ്രമോദ്. ഈയിടെ കാശി സന്ദര്ശിച്ചതിന്റെ ഫോട്ടോകള് തന്റെ സമൂഹമാധ്യമപേജില് പങ്കുവെച്ചിരിക്കുകയാണ് നമിത പ്രമോദ്. തന്റെ ഹിന്ദു വിശ്വാസം പ്രകടമാക്കിയതിന്റെ പേരില് പലരും നമിത പ്രമോദിന് അഭിനന്ദനം അറിയിക്കുന്നുണ്ട്.
സാധാരണ ‘ഞാന് ഹിന്ദുവാണ്’ എന്ന് പറയുന്നതിന് പകരം ഞാന് ബീഫ് കഴിക്കും എന്ന് പറയാനാണ് നടീനടന്മാര്ക്കിഷ്ടം. ഞാന് ഹിന്ദുവാണ് എന്ന് പറഞ്ഞാല് അവരുടെ സിനിമാ കരിയര് തീര്ന്നു എന്നത് മലയാളത്തിലെ നടീനടന്മാര്ക്ക് അറിയാം. അതുകൊണ്ട് നടീനടന്മാര് അവരുടെ വിശ്വാസം മറച്ചുവെക്കുന്നു, വിശ്വാസങ്ങളെക്കുറിച്ച് മൗനം പാലിക്കുന്നു.. ക്ഷേത്രങ്ങൾ രഹസ്യസന്ദർശനം നടത്തുന്നു.
പക്ഷെ യുവനടി നമിത പ്രമോദ് എന്തായാലും വ്യത്യസ്തയായിരിക്കുന്നു. ഈയിടെ നടത്തിയ കാശി സന്ദര്ശനത്തിന്റെ ഫോട്ടോകള് സമൂഹമാധ്യമങ്ങളില് പങ്കുവെച്ചത് കേരളത്തിലെ സിനിമാമേഖലയെ പിടികൂടിയ ജിഹാദി അന്തരീക്ഷത്തില് വളരെ പ്രധാനമാണ്. പങ്കുവെച്ച ഫോട്ടോകളില് നമിത പ്രമോദിന്റെ നെറ്റിയിൽ വലിയ ചന്ദനക്കുറിയും കുങ്കുമവും കാണാം. ക്ഷേത്ര ദര്ശനത്തിന്റെ അഭിമാനം കണ്ണുകളിലും കാണാം.
നടീനടന്മാരില് ഒരു വിഭാഗത്തിനിടയില് ആ ഭയം മായുകയാണ്. ഈയിടെ ഭാരതപ്പൂഴയുടെ തീരത്ത് നടന്ന കുംഭമേളയില് നടിമാരായ ജലജ, സോനാ നായര്, രചന നാരായണന്കുട്ടി, ബാലതാരം ദേവനന്ദ എന്നിവര് പങ്കെടുത്തിരുന്നു. നടി അനുശ്രീയും തന്റെ ആര്എസ് എസ് പശ്ചാത്തലം മറച്ചുവെയ്ക്കില്ലെന്ന് മാത്രമല്ല, ബലാഗോകുലം പരിപാടികളില് എല്ലാം പങ്കെടുക്കാന് ആവേശം കാണിക്കുന്ന ആളാണ്. അതുപോലെ നടിയായ അതെ ഹിന്ദുക്കളാണെന്ന് ഉറക്കെപ്പറയാനുള്ള ഭയം കുറേശ്ശെയായി മാറുകയാണ്. ഈയിടെ അമ്മ എന്ന സംഘടനയില് നടന്ന കലഹവും ഏതാനും നടിമാര് ഹിന്ദു വിശ്വാസങ്ങളോട് കാട്ടിയ ചായ് വാണെന്ന കാര്യം എല്ലാവര്ക്കുമറിയാം.
സെലിബ്രിറ്റികൾ പലപ്പോഴും അവരുടെ ഹിന്ദുവിശ്വാസത്തെക്കുറിച്ച് പരസ്യമായി ചർച്ച ചെയ്യുന്നത് ഒഴിവാക്കുന്ന അന്തരീക്ഷത്തില്, നമിത അഭിമാനത്തോടെ തന്റെ ഹിന്ദു ഐഡന്റിറ്റി ധരിക്കാനും അത് പരസ്യമായി പങ്കുവെയ്ക്കാനും തയ്യാറായി.
