ന്യൂദല്ഹി: ജുഡീഷ്യല് സര്വീസില് പ്രവേശിക്കുന്നതിന് അഭിഭാഷക രംഗത്തെ പ്രാക്ടീസ് നിര്ബന്ധമാക്കിയ മുന് വിധിയില് ഭേദഗതി വരുത്തി സുപ്രീം കോടതി. പ്രവൃത്തി പരിചയം 3 വര്ഷത്തില് നിന്ന് 1 വര്ഷമായി കുറച്ചു.
ജുഡീഷ്യല് സര്വീസ് പരീക്ഷയില് വിജയിക്കുന്നവര് സംസ്ഥാന ജുഡീഷ്യല് അക്കാദമിയില് ഒരു വര്ഷത്തെ തീവ്ര പരിശീലനത്തില് പങ്കെടുക്കണം. തുടര്ന്ന് ജില്ലാ ജഡ്ജിക്കു കീഴിലും , സിറ്റിംഗ് ഹൈക്കോടതി ജഡ്ജിയുടെ കീഴിലും ആറ് മാസം വീതമുള്ള ക്ലര്ക്ക്ഷിപ്പും പൂര്ത്തിയാക്കണം.
പരിശീലന കാലയളവില്, ഒരു ജുഡീഷ്യല് ഫസ്റ്റ് ക്ലാസ് മജിസ്ട്രേറ്റിന് നല്കേണ്ട മൊത്ത വേതനത്തിന്റെ പകുതിക്ക് തുല്യമായ വേതനം ട്രെയിനി ജുഡീഷ്യല് ഓഫീസര്ക്ക് ലഭിക്കും.
2027 ഏപ്രില് 1 മുതല് പുതിയ ഉത്തരവ് ബാധകമാകും.
.
